08 ءساۋىر، 2020

ءساۋىر ايىندا 400 مىڭعا جۋىق وتباسى كوپ بالالىلارعا بەرىلەتىن جاردەماقىنى الادى

2362 رەتكورسەتىلدى

396،6 مىڭ وتباسى 15 ءساۋىرگە دەيىن كوپ بالالى وتباسىلارعا بەرىلەتىن مەملەكەتتىك جاردەماقى الادى. ەڭبەك جانە حالىقتى الەۋمەتتىك قورعاۋ مينيسترلىگى ءباسپاسوز قىزمەتىنىڭ حابارلاۋىنشا، بۇل ماقساتتارعا رەسپۋبليكالىق بيۋدجەتتەن 19 ملرد تەڭگە كوزدەلگەن.

ءتورت جانە ودان كوپ بىرگە تۇراتىن كامەلەتكە تولماعان نەمەسە كۇندىزگى بولىمدە وقيتىن 23 جاسقا دەيىنگى ستۋدەنت بالالارى بار كوپ بالالى وتباسىلار تابىسىنا قاراماستان مەملەكەتتىك جاردەماقىعا ۇمىتكەر بولا الادى. تولەم مولشەرى بالالاردىڭ سانىنا بايلانىستى 42،5 مىڭ تەڭگەدەن (4 بالا) 74،4 مىڭ تەڭگەگە (7 جانە ودان دا كوپ بالا) دەيىن سارالانعان.

اتالعان مەملەكەتتىك جاردەماقىنى ەنگىزۋ اتاۋلى الەۋمەتتىك كومەك كورسەتۋدىڭ جاڭا تەتىكتەرىمەن قاراستىرىلعان تابىسى از جانە كوپبالالى وتباسىلاردى قولداۋدىڭ نەگىزگى ءۇش باعىتىنىڭ ءبىرى بولىپ تابىلادى.

سونىمەن قاتار، الەۋمەتتىك تولەمدەر مەن زەينەتاقىلاردىڭ بارلىق تۇرلەرى بەلگىلەنگەن كەستەگە سايكەس تولىق كولەمدە ىسكە اسىرىلاتىن بولادى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار