ايماقتار • 08 ءساۋىر، 2020

قىزىلوردا وبلىسىندا قىلمىس ازايدى

35 رەتكورسەتىلدى

قازاقستان رەسپۋبليكاسى پرەزيدەنتىنىڭ جارلىعىنا سايكەس توتەنشە جاعداي رەجيمى كەزىندە قىزىلوردا وبلىسىندا قوعامدىق ءتارتىپتى ساقتاۋ قاتاڭ باقىلاۋعا الىندى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى.

ستراتەگيالىق ماڭىزى بار وبەكتىلەردە قاۋىپسىزدىك شارالارى كۇشەيتىلدى. ادامدار كوپ جينالاتىن ورىنداردىڭ، ءتۇرلى قىزمەت كورسەتۋ ورتالىقتارىنىڭ جۇمىسى توقتاتىلدى.

ويىن-ساۋىق، سپورتتىق جانە باسقا دا iس-شارالاردى وتكiزۋگە تىيىم سالىندى.

قاۋىپسىزدىك شارالارىن كۇشەيتۋ ماقساتىندا قوسىمشا ۇلتتىق گۆارديا ساربازدارى جۇمىلدىرىلدى.

توتەنشە جاعداي كەزەڭى جاريالانعاننان باستاپ وبلىسىمىزدا قىلمىستىلىق احۋال تۇراقتى.

توتەنشە جاعداي جاريالانعان 16-شى ناۋرىزدان باستاپ بۇگىنگى كۇنگە دەيىن بارلىعى 341 قىلمىس تىركەلىپ، وتكەن جىلدىڭ وسى مەرزىمىمەن سالىستىرعاندا 43%-عا ازايعان (603/341).

ونىڭ ىشىندە مەنشىككە قارسى جاسالاتىن قىلمىستار 65%-عا تومەندەگەن، ياعني ۇرلىق 60%-عا، توناۋ 20%-عا، قاراقشىلىق 50%-عا تومەندەسە، قوعامدىق ورىنداردا جاسالاتىن بۇزاقىلىق قىلمىستارى 67%-عا ازايعان.

– زورلاۋ جانە اۋىر دەنە جاراقاتىن سالۋ قىلمىستارى تىركەلمەگەن. باستى ماقسات - توتەنشە جاعداي كەزىندە قىلمىس پەن قۇقىق بۇزۋشىلىققا جول بەرمەۋ، – دەلىنگەن وبلىستىق پروكۋراتۋرا تاراتقان اقپاراتتا. 

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار