ايماقتار • 08 ءساۋىر، 2020

قورداي اۋدانىندا قاۋىپسىزدىك شارالارى كۇشەيتىلۋدە

59 رەتكورسەتىلدى

بۇگىنگى تاڭدا جامبىل وبلىسىنىڭ قورداي اۋدانىندا كوروناۆيرۋس ينفەكتسياسىن جۇقتىرۋدىڭ 29 دەرەگى تىركەلىپ وتىر. ونىڭ ىشىندە 13 ازامات قورداي اۋدانىنىڭ تۇرعىندارى بولسا، 2 ازامات نۇر-سۇلتان قالاسىنىڭ تۇرعىنى. سونىمەن قاتار، 1 ازامات قوستاناي وبلىسىنان، 2 ازامات قىرعىز رەسپۋبليكاسىنان كەلگەن. سونداي-اق، 11 ادام ترانزيتتىك جۇك كولىكتەرىنىڭ جۇرگىزۋشىلەرى بولىپ شىقتى. بۇگىندە بارلىق ازاماتتار تاراز قالاسىنداعى ينفەكتسيالىق ستاتسيونارعا اۋىستىرىلعان.

جامبىل وبلىسى باس مەملەكەتتىك سانيتارلىق دارىگەرىنىڭ قاۋلىسى بويىنشا قورداي اۋدانىنىڭ اۋماعىنا كارانتين جاريالانعان بولاتىن. قازىرگى كەزدە قاۋىپتى ىندەتتىڭ الدىن الۋ بويىنشا 8 بلوك-پوست ورناتىلىپ، تەكسەرۋ شارالارى كۇشەيتىلگەن. بارلىق بەكەتتەر قاجەتتى قۇرال-جابدىقتارمەن جابدىقتالىپ، جول بەلگىلەرى ورناتىلعان. مۇندا 100 پوليتسيا قىزمەتكەرى، 16 ورتالىق اۋرۋحانا، 9 اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ قىزمەتكەرلەرى جۇمىس اتقارادى.

اتالعان بلوك-بەكەتتەردىڭ جۇمىسى اۋدان اكىمىنىڭ تىكەلەي باقىلاۋىنا الىنعان. اعىمداعى جىلى 6 ساۋىردەن باستاپ اۋدان اۋماعىندا ەرەكشە كارانتين ەنگىزىلىپ، جالپى قاتىناسقا شەكتەۋ قويىلدى. الايدا، اۋىل شارۋاشىلىعى سالاسىنداعى كوكتەمگى ەگىس دالا جۇمىستارىنا جۇمىلدىرىلعان تەحنيكالاردىڭ قوزعالىسىنا شەكتەۋ جوق.

ازىق-ت ۇلىك دۇكەندەرى مەن ءدارىحانالار قالىپتى جۇمىسىن جالعاستىرا بەرەدى. قاۋىپتى ىندەتتىڭ الدىن الۋ ماقساتىندا اۋداننىڭ بارلىق اۋىلدىق وكرۋگتەرىندە، قوعامدىق ورىندار مەن كوشەلەردە كۇنىنە ەكى رەت سانيتارلىق-دەزينفەكتسيالىق جۇمىستار جۇرگىزىلۋدە. زالالسىزداندىرۋ جۇمىستارىنا اۋداندىق كوممۋنالدىق، ۆەتەرينارلىق قىزمەت مەكەمەلەرى مەن جەكە كاسىپكەرلەردەن جالپى 32 تەحنيكا تارتىلعان.

بۇدان بولەك، ازىق-ت ۇلىك ساتاتىن دۇكەندەر مەن ساۋدا ورىندارىندا ۇزدىكسىز زالالسىزداندىرۋ جۇمىستارىنىڭ جۇرگىزىلۋى باقىلاۋدا.

ال، اۋدانداعى قايىرىمدى ازاماتتاردىڭ دەمەۋشىلىگىمەن 469 از قامتىلعان وتباسىنا جانە بيۋدجەتتىڭ كومەگىمەن 662 وتباسىنا ازىق-ت ۇلىك سەبەتتەرى تاراتىلعان. سونداي-اق، اۋداننىڭ 5 جەكە كاسىپكەرى 17 تىگىنشىنى تارتۋ ارقىلى مەديتسينالىق ماسكا تىگۋ كاسىبىن جۇرگىزۋدە.

جامبىل وبلىسى

 

 

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

قحل قىركۇيەكتە باستالادى

سپورت • بۇگىن، 08:09

ۇقساس جاڭالىقتار