كوروناۆيرۋس • 08 ءساۋىر، 2020

الەمدەگى احۋال قانداي؟

108 رەتكورسەتىلدى

بۇل توپتامادا الەمنىڭ 184 ەلىندە تاراعان Covid-19 ۆيرۋسىنا قاتىستى سوڭعى جاڭالىقتاردى جاريالاپ وتىرامىز.

8 ساۋىردە Johns Hopkins University (JHU) ۇسىنعان مالىمەت بويىنشا ۆيرۋس جۇقتىرعاندار سانى - 1 430 453ء ولىم سانى - 82 133، ايىققاندار سانى - 301 385 ادام بولدى (جاڭارتىلعان ۋاقىتى 17:14).

10:56

وزبەكستاندا ازاماتتارعا كىممەن كەزدەسكەنىن كۇندەلىككە جازىپ ءجۇرۋ ۇسىنىلدى

اتالعان شارا ادامنىڭ بويىنان كوروناۆيرۋس ينفەكتسياسى تابىلعان جاعدايدا، ونىمەن بايلانىستا بولعان ادامداردى جەدەل انىقتاۋ ءۇشىن قاجەت. رەسپۋبليكانىڭ باس پروكۋراتۋراسى وسىنداي ءوتىنىش ءبىلدىردى.

سوڭعى مالىمەتتەرگە سايكەس، وزبەكستاندا كوروناۆيرۋستى جۇقتىرعان 504 ادام انىقتالعان. ەكى ناۋقاس كوز جۇمىپ، 30-ى ەمدەلىپ شىققان. قازىر 100 مىڭنان استام ادام كارانتين رەجيمىن ساقتاپ وتىر، ونىڭ ىشىندە 23 مىڭنان استامى — ستاتسيونارلارعا جاتقىزىلعان.


10:38

فرانتسيادا كوروناۆيرۋس ينفەكتسياسىن جۇقتىرعان 11 مىڭ ادام انىقتالدى

Eلدە COVID-19 ۆيرۋسىن جۇقتىرعانداردىڭ جالپى سانى 110 070 ادام. 1 417 ادام ۆيرۋس سالدارىنان كوز جۇمعان. ال جالپى ءولىم-ءجىتىم سانى — 10 343.

بۇعان قوسا، تاعى 2 127 ادام اۋرۋىنان ايىققان. جالپى جازىلىپ شىققاندار سانى 19 523-گە جەتتى. 


گەرمانيادا تاعى 3 364 ادام ۆيرۋس جۇقتىرعان

كوروناۆيرۋس ينفەكتسياسىن جۇقتىرعانداردىڭ جالپى سانى — 107 663. سوڭعى تاۋلىكتە قايتىس بولعاندار سانى — 132. جالپى بۇل ەلدە اتالعان ىندەتتەن 2،016 ادام كوز جۇمعان. سونداي-اق، تاعى 7 381 ادام ەمدەلىپ، ساۋىعىپ شىقتى. مۇنداعى جازىلىپ شىققانداردىڭ جالپى سانى 36 081-ءدى قۇراپ وتىر.


ۇلىبريتانيادا COVID-19 كوروناۆيرۋس ينفەكتسياسىن جۇقتىرعان 3 مىڭ ادام تىركەلدى

ۆيرۋستى جۇقتىرعانداردىڭ جالپى سانى 55،949-عا جەتتى. سونىمەن قاتار، جاڭا ءولىم-ءجىتىم ‒ 786، ال ولىممەن اياقتالعان جاعدايلاردىڭ جالپى سانى — 6 171. 

ساۋىعىپ شىققانداردىڭ سانى 325 ادام.


يراندا ۆيرۋس جۇقتىرعاندار سانى 62 مىڭنان استى

جالپى ۆيرۋستى جۇقتىرعاندار سانى ‒ 62 589. سوڭعى ۋاقىتتا قايتىس بولعاندار ‒ 133 ادام. كوروناۆيرۋس ينفەكتسياسىنان جالپى 3872 ادام كوز جۇمدى.

سونداي-اق، تاعى 2 803 ادامنىڭ ەمدەلىپ شىققانى مالىمدەلدى. ساۋىعىپ شىققانداردىڭ جالپى سانى — 27 039.


ازەربايجاندا بۇگىن 76 ادامنىڭ كوروناۆيرۋس جۇقتىرعانى بەلگىلى بولدى. اعزاسىنان ۆيرۋس تابىلعانداردىڭ جالپى سانى 717-گە جەتتى. وعان قوسا، 1 ادام كوز جۇمدى. جالپى ۆيرۋس سالدارىنان قايتىس بولعاندار سانى ‒ 8.


مالاۆيدە (وڭتۇستىك افريكا) COVID-19 كوروناۆيرۋس ينفەكتسياسىنان العاشقى ادام كوز جۇمدى. بۇدان وزگە، بۇگىن تاعى 3 ادامنىڭ ۆيرۋستى جۇقتىرعانى انىقتالدى. ەلدە جالپى كوروناۆيرۋس ينفەكتسياسى 8 ادامنىڭ اعزاسىنان تابىلدى. 


بەلگيادا كوروناۆيرۋستى جۇقتىرعان تاعى 1380 ادام انىقتالدى

COVID-19-دى جۇقتىرعانداردىڭ جالپى سانى 22 194 ادامعا جەتتى. قايتىس بولعاندار سانى ‒ 2 035، ونىڭ ىشىندە سوڭعى تاۋلىكتە تىركەلگەنى ‒ 403.

بۇل ەلدە 4 157 ناۋقاس اۋرۋدان ايىعىپ شىققان. سوڭعى جازىلىپ شىققاندار سانى ‒ 171.


09:40

ءالەمدەگى جاعداي قىسقاشا:

• ۆيرۋستان قايتىس بولعاندار سانى 80 مىڭنان استى

• جاپونيادا توتەنشە جاعداي جاريالاندى

• بوريس دجونسون قارقىندى تەراپيا بولىمىنە اۋىستىرىلدى

• يتاليادا ىندەتتىڭ بەتى بەرى قاراعان سەكىلدى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار