ايماقتار • 08 ءساۋىر، 2020

جەتىسۋلىق شارۋالارعا سەرۆيستىك-دايىنداۋ ورتالىعى كومەككە كەلدى

27 رەتكورسەتىلدى

الماتى وبلىسىندا اگروونەركاسىپ كەشەنىن دامىتۋ ءىسى ناقتى كورسەتكىشكە يە بولىپ وتىر. اسىرەسە، جەر يگەرگەن ديقان مەن ءتورت ت ۇلىك باسىن كوبەيتكەن مالشى قاۋىمىنا جاسالعان قولداۋ ءوز ناتيجەسىن بەرىپ كەلەدى. ونىڭ ءبىر دالەلى رەتىندە اۋماقتاعى سەرۆيستىك-دايىنداۋ ورتالىقتارىنىڭ قۇرىلۋىن ايتۋعا بولادى. قازىر وبلىستا اگروسالانىڭ اياققا تۇرۋى ءۇشىن اشىلعان مۇنداي ورتالىقتاردىڭ سانى ەلۋدەن استى.

بيىلدىڭ وزىندە 6 سەرۆيستىك-دايىنداۋ ورتالىعى قۇرىلدى. مۇنداعى ماقسات وبلىستاعى اگروونەركاسىپ كەشەنىنىڭ تيىمدىلىگىن ارتتىرۋ، اۋىل شارۋاشىلىعى تاۋار وندىرۋشىلەرىن كووپەراتسيالاۋ، ماشينا-تراكتور پاركتەرىنىڭ تەحنيكالارىن جاڭارتۋ جانە جاڭا جۇمىس ورىندارىن اشۋ، سول ارقىلى اۋىل حالقىنىڭ تۇرمىسىن جاقسارتۋ بولىپ وتىر. ماسەلەن، وبلىستىق اۋىل شارۋاشىلىعى باسقارماسىنىڭ مالىمەتىنە قاراعاندا، 2011 جىلدان بەرى جالپى سانى 45 سەرۆيستىك-دايىنداۋ ورتالىعى قۇرىلعان. سونىڭ ىشىندە 29 سەرۆيستىك-دايىنداۋ ورتالىعى قانت قىزىلشاسى باعىتى بويىنشا، 7 سەرۆيستىك-دايىنداۋ ورتالىعى ءداندى داقىلدار، 3 سەرۆيستىك-دايىنداۋ ورتالىعى – كارتوپ جانە كوكونىس، جۇگەرى، كۇرىش، مال ازىعىن دايىنداۋ باعىتتارى بويىنشا جۇمىس ىستەيدى. قازىر بۇل ورتالىقتار وبلىستىڭ 13 وڭىرىندە جۇمىسىن باستاعان. ولارعا ليزينگىگە 1 116 بىرلىك اۋىل شارۋاشىلىعى تەحنيكاسى مەن قۇرال-جابدىق بەرىلدى. سونىمەن قاتار ايماقتا 250 اۋىل شارۋاشىلىعى تاۋار وندىرۋشىلەرى مەن شارۋا قوجالىقتارى بىرىكتىرۋگە مۇمكىندىك جاسادى. ناتيجەسىندە 12 700 جاڭا جۇمىس ورىندارى قۇرىلدى، سونىڭ جەتى ءجۇزى تۇراقتى، 12 مىڭى  ماۋسىمدىق جۇمىس ورىندارى. سەرۆيستىك-دايىنداۋ ورتالىقتارى جىل سايىن 850-900 شاعىن جانە ورتا ساناتتاعى  شارۋا قوجالىقتارىنا قىزمەت كورسەتىپ، اۋداندارداعى 28 00 گەكتار ەگىس القابىن وڭدەۋگە ۇلەس قوسىپ وتىر.

ال بيىل قۇرىلعان 6 سەرۆيستىك-دايىنداۋ ورتالىعى ءداندى داقىلدار، كۇرىش جانە مال ازىعى باعىتتارىندا جۇمىس جۇرگىزبەك. ورتالىقتارعا قاجەتتى 86 بىرلىك تەحنيكا ساتىپ الۋ ءۇشىن جالپى سوماسى 1،1 ملرد تەڭگە قارجى بولىنگەن ەكەن. قازىردىڭ وزىندە ەسكەلدى، كوكسۋ، بالقاش، قاراتال، رايىمبەك، كەربۇلاق اۋداندارىنىڭ شارۋالارى سەرۆيستىك-دايىنداۋ ورتالىعىنىڭ كومەگىنە يەك ارتىپ وتىر.

 

 

الماتى وبلىسى

 

سوڭعى جاڭالىقتار

ۇقساس جاڭالىقتار