ايماقتار • 08 ءساۋىر، 2020

الماتى وبلىسى: قاۋىپسىزدىك شاراسى كەزىندە قانداي نىساندار جۇمىسىن جالعاستىرادى؟

340 رەتكورسەتىلدى

الماتى وبلىسىندا ايماق تۇرعىندارىنىڭ تۇرمىس-تىرشىلىگىن قامتاماسىز ەتەتىن نىسانداردىڭ جۇمىسىن رەتتەيتىن جاڭا قاۋلى قابىلداندى. بۇگىننەن باستاپ وڭىردەگى شەكتەۋ شارالارى مەملەكەتتىك باس سانيتار دارىگەرىنىڭ 5-قاۋلىسىنا سايكەس قوسىمشا وزگەرتۋلەر مەن تولىقتىرۋلار ارقىلى رەتتەلمەك.

بۇل قاۋلىعا سايكەس وبلىستا كوروناۆيرۋس ينفەكتسياسىنىڭ تارالۋىنا جول بەرمەۋگە باعىتتالعان بۇعان دەيىن ەنگىزىلگەن شەكتەۋلەر مەن سانيتارلىق-دەزينفەكتسيالىق شارالار ساقتالىپ، ودان ءارى جالعاسادى. سونداي-اق، جاڭا قاۋلىدا ءومىر ءسۇرۋدى قامتاماسىز ەتەتىن نىسانداردىڭ جۇمىس ەرەكشەلىكتەرىنە ايرىقشا نازار اۋدارىلعان. ماسەلەن، قاۋلىعا سايكەس مەنشىك نىسانىنا قاراماستان مەديتسينالىق ۇيىمدار، ونىڭ ىشىندە ستوماتولوگيالىق ۇيىمدار; ونەركاسىپتىك، وندىرىستىك كاسىپورىندار جانە تىنىس-تىرشىلىكتى قامتاماسىز ەتۋ وبەكتىلەرى، ونىڭ ىشىندە جىلۋ، ەنەرگيا، سۋمەن جابدىقتاۋ، تاماقتانۋ ورىندارى، كوكتەمگى ەگىس، اۋىل شارۋاشىلىعى، قۇرىلىس جانە جول جۇمىستارىن جۇرگىزۋگە بايلانىستى نىساندار قىزمەتىن قاتاڭ سانيتارلىق ءتارتىپتى ساقتاي وتىرىپ جالعاستىرادى. ءدارىحانالار، ونىڭ ىشىندە ۆەتەرينارلىق جانە ازىق-ت ۇلىك دۇكەندەرىنىڭ جۇمىسى ادەتتەگى رەجيمدە جالعاسادى. سول سياقتى كولىك قۇرالدارىنىڭ قوسالقى بولشەكتەرىنىڭ، تۇقىمداردىڭ، كوشەتتەردىڭ، مينەرالدىق تىڭايتقىشتاردىڭ ساتىلۋى، قۇرىلىس ماتەريالدارىنىڭ كوتەرمە ساۋداسى تاۋارلاردى بوساتۋ تەك الدىن الا تاپسىرىس بويىنشا، دۇكەنگە تىكەلەي بارماي، تاپسىرىس بەرىلگەن تاۋارلاردى ساتىپ الۋشىلار كەلگەن كەزدە بەرە وتىرىپ، جۇرگىزىلەتىن بولادى.

وبلىس اۋماعىندا رەسمي تاكسي قىزمەتى دە سانيتارلىق-گيگيەنالىق تالاپتاردى كۇشەيتە وتىرىپ جۇمىس ىستەۋدى جالعاستىرا الادى. ول ءۇشىن كولىك ءتيىستى ايىرىم بەلگىلەرمەن، ونىڭ ىشىندە جابدىقتالۋى جانە جۇرگىزۋشىنىڭ جەكە باسى تۋرالى اقپاراتتى جولاۋشىعا كورنەكتى ورىندا ۇسىنۋى ءتيىس. بۇل رەتتە جەڭىل كولىكتەگى جولاۋشى سانى 3 ادامنان اسپاۋى ءتيىس. ەلدى مەكەن ىشىندەگى قوعامدىق كولىكتەر دە جۇمىسىن جالعاستىرادى. قالالىق جانە اۋداندىق اۆتوبۋستاردىڭ تولىمدىلىعى وتىرعىزۋ ورىندارىنىڭ 40 پايىزىنان اسپاۋى ءتيىس. جانە دەزينفەكتسيالاۋ جانە جۋ قۇرالدارىن قولدانا وتىرىپ ءاربىر رەيستەن كەيىن اۆتوبۋستاردى، قوعامدىق كولىك ايالدامالارىن كۇنىنە كەمىندە ەكى رەت زالالسىزداندىرۋ تالابى ساقتالادى. باستىسى، قوعامدىق كولىكتە قورعانىش ماسكاسىز جۇرۋگە تىيىم سالىنادى.

جالپى، وبلىس اۋماعىنداعى ۋاقىتشا ساقتاۋ قويمالارى، ولاردىڭ جۇمىسىن قامتاماسىز ەتەتىن تۇلعالار مەن ۇيىمدارى، سانيتارلىق-دەزينفەكتسيالىق شارالاردى كۇشەيتە وتىرىپ جانە كەلۋشىلەر اراسىنداعى قاشىقتىقتى كەمىندە 1 مەتر ساقتاي وتىرىپ، ادەتتەگى رەجيمدە جەكە ورنالاسقان پوشتا بايلانىسى وبەكتىلەرى جانە ەكىنشى دەڭگەيدەگى بانكتەر، ميكروقارجىلىق قىزمەتتى جۇزەگە اسىراتىن ۇيىمدار 09-00-دەن 14-00-گە جۇمىس رەجيمىندە قىزمەت كورسەتە الادى. سول سياقتى اۆتوجانارماي قۇيۋ ستانتسيالارى، جەكە ورنالاسقان تەحنيكالىق قىزمەت كورسەتۋ ستانتسيالارى، سالتتىق قىزمەت كورسەتۋ نىساندارى ءوز قىزمەتىن اتقارا بەرەدى.

وسى ورايدا شەكتەۋ كەزەڭىندە جۇمىس ىستەيتىن اتالعان نىساندار سانيتارلىق جانە دەزينفەكتسيالىق رەجيم تالاپتارىن قاتاڭ ساقتاۋى ءتيىس، سونىڭ ىشىندە كىرەبەرىستە قول جۋعا ارنالعان سانيتايزەرلەر ورناتۋ، بارلىق قىزمەتكەرلەرىن ءبىر رەتتىك ماسكا مەن ءبىر رەتتىك قولعاپپەن قامتاماسىز ەتۋ، جۇمىس ورىنىن دەزينفەكتسيالىق قۇرالدارمەن قولدانۋ نۇسقاۋلىعىنا سايكەس كۇنىنە كەمىندە 3 رەت وڭدەۋگە مىندەتتەلگەن. اسىرەسە، كەلۋشىلەردىڭ بەتپەردەسىز بولۋىنا جول بەرمەۋ، كەلۋشىلەردىڭ الەۋمەتتىك قاشىقتىعىن كەمىندە 2 مەتر ساقتاۋدى قامتاماسىز ەتۋگە ءتيىس. سونىمەن بىرگە ونەركاسىپ ءوندىرىسى نىساندارىنىڭ سۋبەكتىلەرى جانە ءومىر ءسۇرۋدى قامتاماسىز ەتەتىن نىساندار ءاربىر رەيستەن كەيىن كۇندەلىكتى دەزينفەكتسيالىق وڭدەۋ جۇرگىزىپ، قىزمەتكەرلەردى بولىنگەن اۆتوكولىكپەن جەتكىزۋدى ۇيىمداستىرۋى ءتيىس.

 

 

الماتى وبلىسى

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار