ايماقتار • 08 ءساۋىر، 2020

KAZ Minerals توبى Birgemiz قوعامدىق قورىنا 2،2 ملرد تەڭگە اۋداردى

13 رەتكورسەتىلدى

كومپانيانىڭ  كورپوراتيۆتىك بايلانىستار دەپارتامەنتىنىڭ بىزگە جىبەرگەن مالىمەتىنشە،  كAZ Minerals ەلىمىزدە، قىرعىزستاندا، رەسەيدە تاۋ-كەن ءوندىرىسىن دامىتۋعا باعىتتالعان، ءوسۋ الەۋەتى زور مىس ءوندىرۋشى كومپانيا. 

ال بۇل كۇندەرى ەلىمىزدە كوروناۆيرۋستىق ينفەكتسيانىڭ تارالۋىنا وراي كارانتيندىك جانە باسقا دا شەكتەۋ شارالارىن ەنگىزىلدى.

كورپوراتيۆتىك بايلانىستار دەپارتامەنتىنىڭ مالىمەتىنشە،  كومپانيا بۇل شەكتەۋلەردىڭ  قازاقستاندىقتاردىڭ كوپ بولىگىنىڭ ءومىر ءسۇرۋ جانە ەڭبەك جاعدايلارىنا اسەر ەتكەنىنەن تولىق حاباردار.

سوندىقتان، كومپانيا توسىن جاعدايعا تاپ بولعان وتانداستارىمىزعا كومەك كورسەتۋ تۋرالى ەلباسى نۇرسۇلتان نازارباەۆتىڭ باستاماسىن قولدايدى.

باستاما ناتيجەسىندە KAZ Minerals توبى حالىقتىڭ ءالسىز توپتارىنا الەۋمەتتىك كومەك كورسەتۋ ءۇشىن قۇرىلعان Birgemiz قوعامدىق قورىنا 2،2 ملرد تەڭگە اۋداردى.        

كومپانيا پاۆلودار وبلىسىنداعى بوزشاكول دالاسىنىڭ اشىق كەنىشتەردە، شىعىس قازاقستاندا ورنالاسقان كەنىشتەردە مىس-التىن وندىرۋدە

قازىر  كومپانيا  جۇمىسشىلار مەن ءوندىرىستىڭ مۇددەلەرىن باسشىلىققا الا وتىرىپ، توتەنشە جاعداي مەن كارانتينگە سايكەس بىرقاتار داعدارىسقا قارسى شارالاردى بەلسەندى جۇزەگە اسىرۋدا.

وتكەن جىلى مىستىڭ جالپى ءوندىرىس كولەمى 311 مىڭ توننانى قۇرادى، ىلەسپە ءونىم رەتىندە 38 مىڭ توننا كونتسەنتراتتاعى مىرىش، 201 مىڭ ۋنتسيا التىن مەن 3،382 ملن. ۋنتسيا كۇمىس ءوندىرىلدى.

ەكىباستۇزداعى بوزشاكول كەن وڭدەۋ قۋاتى جىلىنا 30 ميلليون توننا كەندى قۇرايدى. كەن بايىتۋ كومبيناتى ءوندىرىستى 2016 جىلى باستادى.

KAZ Minerals-تا شامامەن 16 000 ادام جۇمىس ىستەيدى، ولاردىڭ باسىم بولىگى قازاقستاندىقتار.

 

پاۆلودار وبلىسى،

ەكىباستۇز

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار