قازاقستان • 08 ءساۋىر، 2020

باس قالا اۋەجايىنىڭ كودى وزگەردى

9 رەتكورسەتىلدى

ەلورداداعى نۇرسۇلتان نازارباەۆ حالىقارالىق اۋەجايىنىڭ سوناۋ كسرو كەزەڭىنەن بەرى قولدانىلىپ كەلە جاتقان ءۇش ءارىپتى TSE كودى NQZ بولىپ وزگەرەتىن بولدى. باس قالانىڭ باس اۋە قاقپاسىنىڭ كودىن وزگەرتۋ تۋرالى ماسەلەنى «Egemen Qazaqstan» گازەتى بۇعان دەيىن كوتەرگەنىن ايتا كەتەيىك.

«Egemen Qazaqstan» گازەتى كوتەرگەن ماسەلە ءتيىستى ورگانداردىڭ قۇلاعىنا جە­تىپ، وعان قاتىستى قانداي شارالار قا­بىل­داناتىنى تۋرالى حابارلاعان بولاتىن.

سونىمەن بىرنەشە جىل بۇرىن كو­تە­رىلىپ، اقىرى شەشىمىن تاپقان جا­عىم­­دى جاڭالىقتى يندۋستريا جانە ين­­فرا­قۇرىلىمدىق دامۋ مينيسترلىگى جەتكىزدى.

– حالىقارالىق اۋە كولىگى قاۋىمداس­تىعىنىڭ (Iاتا) 2020 جىلعى 6 ساۋىردەگى ارنايى حابارلاماسىنا سايكەس، نۇر-سۇلتان نازارباەۆ حالىقارالىق اۋەجايى­نىڭ قولدانىستاعى TSE ءۇش ءارىپتى كودىن NQZ-كە وزگەرتۋ تۋرالى تۇپكىلىكتى رەسمي شەشىم قابىلداندى، – دەلىنگەن مينيسترلىكتىڭ Telegram كانالىندا جاريالانعان اقپاراتتا.

بىلتىر ەلىمىزدىڭ ينۆەستيتسيالار جانە دامۋ مينيسترلىگىنىڭ ازاماتتىق اۆيا­تسيا كوميتەتى حالىقارالىق اۋە كولىگى قاۋىمداستىعىمەن نۇر-سۇلتان جانە قا­زاقستاننىڭ وزگە دە قالالارىنداعى اۋەجايلار كودىن وزگەرتۋ جونىندە كەلىس­سوز باستاعان ەدى. سول كەلىسسوز جۇمىستارى اقى­­رى ناتيجە بەرە باستادى دەۋگە بولادى.

حالىقارالىق اۋە كولىگى قاۋىمداس­تىعىنا دۇنيە ءجۇزى بويىنشا حالىقارالىق رەيستەردىڭ 94 پايىزىن ورىندايتىن  290 اۋە كومپانياسى مۇشە ەكەنىن ايتا كەتەيىك.

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار