كوروناۆيرۋس • 07 ءساۋىر، 2020

مەديتسينا ماماندارى يزرايلدىق ارىپتەستەرىمەن ونلاين كونفەرەنتسيا وتكىزدى

29 رەتكورسەتىلدى

قوعامدىق دەنساۋلىق ساقتاۋ ۇلتتىق ورتالىعىنىڭ ۇيىمداستىرۋىمەن كوروناۆيرۋستىق ينفەكتسياعا قارسى كۇرەس بويىنشا شەتەلدىك ماماندار قاتىسقان ونلاين كونفەرەنتسيا ءوتتى.

يزرايل تاراپىنان پەتاح-تيكۆاداعى «بەيلينسون» اۋرۋحاناسى انەستەزيولوگيا بولىمشەسىنىڭ باسشىسى، تەل-اۆيۆ ۋنيۆەرسيتەتىنىڭ مەديتسينا فاكۋلتەتىنىڭ پروفەسسورى لەونيد ەيندەلمان مەن كوروناۆيرۋستىق ينفەكتسيامەن اۋىراتىن ناۋقاستارعا مەديتسينالىق كومەك كورسەتەتىن وسى اۋرۋحانانىڭ ىشكى اۋرۋلار بولىمشەسىنىڭ باسشىسى د-ر ە.بەركوۆ قاتىستى.

ال ونلاين كونفەرەنتسياعا قازاقستان تاراپىنان دەنساۋلىق ساقتاۋ ۆيتسە-ءمينيسترى ءلاززات اقتاەۆا، قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى سەرجان ايدوسوۆ، ينفەكتسيالىق ەمەس اۋرۋلاردىڭ الدىن الۋ دەپارتامەنتىنىڭ ديرەكتورى ارىستان مولداجانوۆ، ەلىمىزدىڭ مەديتسينا ۋنيۆەرسيتەتتەرىنىڭ، وڭىرلىك دەنساۋلىق ساقتاۋ باسقارمالارىنىڭ جانە مەديتسينالىق مەكەمەلەردىڭ وكىلدەرى سياقتى 278 ادام قاتىسىپ، كوروناۆيرۋستىق ينفەكتسيا كەزىندە ولاردىڭ دياگنوستيكالاۋ، ەمدەۋ، قارقىندى تەراپيا تاجىريبەسى تۋرالى بىرقاتار وزەكتى سۇراقتارعا جاۋاپ الدى. 

ۇيىمداستىرۋشىلار كوروناۆيرۋسقا قارسى كۇرەس كەزىندە مۇنداي تاجىريبە الماسۋعا ارنالعان ونلاين-كەزدەسۋلەر ءجيى بولاتىنىن جەتكىزدى.

سوڭعى جاڭالىقتار

ۇقساس جاڭالىقتار