ايماقتار • 07 ءساۋىر، 2020

ۇكىمەت تاراپىنان جامبىل وڭىرىنە مەديتسينالىق پرەپاراتتاردى ساتىپ الۋعا 536.9 ميلليون تەڭگە بولىنگەن

53 رەتكورسەتىلدى

كوروناۆيرۋسقا قارسى شتاب وتىرىسىندا جامبىل وبلىسى اكىمىنىڭ ورىنباسارى ەرجان جىلقىباەۆ كوروناۆيرۋستى ينفەكتسياعا قارسى ءىس-شارالاردىڭ اعىمداعى جاعدايى تۋرالى اقپاراتتارمەن ءبولىستى. 6 ساۋىردەگى احۋال بويىنشا كارانتيندىك رەجيمدەگى گوسپيتالدا 1190 ادام جاتىر. ءۇي كارانتينىنە 813 ادام الىنعان.

وبلىس بويىنشا ناۋقاس جانە اۋرۋعا كۇدىكتى ازاماتتار ءۇشىن 1364 توسەك-ورىن دايىندالعان دەسەك، ونىڭ 490-ى رەزەرۆتە تۇرعاندار. ينفەكتسيانىڭ الدىن الۋ ماقساتىندا قازاقستان رەسپۋبليكاسى ۇكىمەتىنىڭ رەزەرۆىنەن جامبىل وبلىسىنا مەديتسينالىق پرەپاراتتاردى ساتىپ الۋعا 536.9 ميلليون تەڭگە بولىنگەن. بۇگىندە 3 مىڭ ەكسپرەسس-تەست ساتىپ الىنعان. ەرجان جىلقىباەۆ وڭىردەگى فارماتسەۆتيكالىق فابريكادا جانە شاعىن تسەحتاردا مەديتسينالىق ماسكالار شىعارىلۋدا ەكەنىن جەتكىزدى.

ال، تاراز قالاسىندا كارانتين ەنگىزىلۋىنە بايلانىستى قابىلدانعان ءىس-شارالار بارىسى تۋرالى قالا اكىمى ايتقازى قارابالاەۆ مالىمدەدى. «7 ساۋىردەن باستاپ وبلىس ورتالىعىندا كارانتين ەنگىزىلەدى. وسىعان بايلانىستى جەدەل شتاب قۇرىلدى، ونىڭ قۇرامىنا پوليتسيا، سانيتارلىق-ەپيدەميولوگيالىق قاداعالاۋ  جانە باسقا دا قىزمەتتەردىڭ وكىلدەرى كىردى. قالا پەريمەترى بويىنشا 7 بلوك-بەكەت ورناتىلدى. ولار قاجەتتى بايلانىس قۇرالدارىمەن قامتاماسىز ەتىلگەن. كارانتين كەزىندە بارلىق اۆتوكولىك تۇرلەرى مەن ازاماتتاردىڭ قوزعالۋى، قوعامدىق كولىك قوزعالىسى شەكتەلەدى»، دەدى قالا اكىمى. بۇل رەتتە جامبىل وبلىسىنىڭ اكىمى بەردىبەك ساپارباەۆ

«ەڭ الدىمەن، حالىق اراسىندا ءتۇسىندىرۋ جۇمىستارىن كۇشەيتۋ كەرەك. بۇل ماقساتتا گازەتتەر مەن تەلەارنالاردى عانا ەمەس، سونىمەن قاتار الەۋمەتتىك جەلىلەردى، باسقا دا مۇمكىندىكتەردى پايدالانۋ قاجەت. ينفەكتسيانىڭ الدىن الۋ بويىنشا بروشيۋرالار مەن جادنامالار شىعارىپ، جاپپاي تاراتۋ كەرەك»، دەدى ول.

سونداي-اق بەردىبەك ساپارباەۆ ءتيىستى سالا باسشىلارىنا بلوك-بەكەتتەرىنىڭ جۇمىسىن كۇشەيتۋدى، ولاردىڭ ماتەريالدىق-تەحنيكالىق بازاسىن نىعايتۋدى تاپسىردى. بەكەتتەردىڭ بەينەباقىلاۋ كامەرالارىمەن، ءتيىستى عيماراتتارمەن جابدىقتالۋى تيىستىگىن ايتتى. 

 

جامبىل وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار