ايماقتار • 07 ءساۋىر، 2020

پاۆلودار وبلىسىندا وقۋشىلار مەن پەداگوگتار 100% كومپيۋتەرمەن قامتىلدى

19 رەتكورسەتىلدى

مەكتەپ بالانسىنداعى كومپيۋتەرلەردى ۋاقىتشا پايدالانۋعا بەرۋ ارقىلى ماسەلە شەشىمىن تاپتى دەپ حابارلادى pavlodarnews.kz ءتىلشىسى.

وبلىستىق ءبىلىم بەرۋ باسقارماسى باسشىسىنىڭ ورىنباسارى جومارت قارامباەۆتىڭ ايتۋىنشا، وقۋشىلار مەن پەداگوگتاردىڭ 99%-ى ۇيدە ينتەرنەتكە قوسىلعان.

1-11-سىنىپتارداعى وقۋ پاندەرى بويىنشا بەينەساباقتار بەكىتىلگەن كەستەگە سايكەس «ەل ارنا»، «بالاپان» تەلەۆيزيالىق ارنالارى ارقىلى كورسەتىلەدى دەدى جومارت قارامباەۆ.

- تەلەساباقتار اپتاسىنا 5 كۇن، ءار ساباق وقۋ پاندەرى بويىنشا 10 مينۋتتان وتكىزىلەدى. سونداي-اق تەگىن نەگىزدە قاشىقتان وقىتۋدى ۇيىمداستىرۋ ءۇشىن Bilimland.kz، sabak.kz، aitube.kz، Daryn.online.kz، Moodle، Opiq.kz ينتەرنەت-پلاتفورمالار جۇمىس ىستەيدى.

ساباق بويىنشا جوسپارلاۋ نەگىزىندە پەداگوگ ءبىلىم الۋشىلارعا وقۋلىقتان تاپسىرمالاردى ءوز بەتىنشە وقۋ/ورىنداۋ ءۇشىن وقۋ ماتەريالى مەن ينتەرنەت-پلاتفورمالاردا (BilimLand) ورنالاستىرىلعان ساباقتاردى ۇسىنادى (Kundelik.kz; Daryn. online). سونداي-اق قولجەتىمدى ساندىق ءبىلىم بەرۋ رەسۋرستارىن (Mektep.OnLine; QaradomalakStudio; Ppi.kz Microsoft TEAMS; GoogleClassRoom) پايدالانادى.

قاشىقتان وقىتۋ مونيتورينگىن جۇرگىزۋ ءۇشىن كەرى بايلانىس ۇسىنۋعا مۇمكىندىك بەرەتىن Kundelik.kz ەلەكتروندىق جۋرنالى قولدانىلادى.

 -قاشىقتان وقىتۋ پروتسەسىن ۇيىمداستىرۋ ءداستۇرلى، قاتاڭ بەكىتىلگەن كەستە بويىنشا ەمەس، يكەمدى، جەكە كەستە بويىنشا جۇرگىزىلەدى، - دەيدى سپيكەر. - وقۋ پاندەرىنىڭ سانى كۇن سايىن مەكتەپتىڭ وقۋ جۇمىس جوسپارىنا سايكەس قاراستىرىلعان. وقۋ تاپسىرمالارى وقۋشىلارعا كۇن سايىن بەرىلەدى جانە ءبىلىم الۋشىلارعا ىڭعايلى ۋاقىتتا ورىندالادى. ءبىلىم الۋشىلارعا ارنالعان وقۋ تاپسىرمالارىنىڭ كولەمى بعم ۇسىنعان كولەمنەن اسپاۋى ءتيىس. ەلەكتروندىق كۇندەلىككە قاتىسۋ تۋرالى اقپارات ەنگىزىلمەيدى. قاشىقتان رەجيمدە جۇمىستى ۇيىمداستىرۋ كەزىندە اتا-انالاردان وقۋشىلاردىڭ تاپسىرمالاردى ورىنداۋىن فوتو، بەينە راستاۋ تالاپ ەتىلمەيدى. قاشىقتىق فورماتتاعى ساباقتار اتا-انالاردىڭ قولداۋىن جانە قاتىسۋىن، وقۋشىنىڭ تاپسىرمالارمەن وزىندىك جۇمىسىن تالاپ ەتەدى.

ايتا كەتەرلىگى، وبلىستا جالپى 113 422 بالا بار، 357 مەكتەپ جۇمىس ىستەيدى. پەداگوگتار سانى - 12325. بارلىعى 14 Call-ورتالىق قۇرىلدى، 29 قىزمەتكەر جۇمىس ىستەيدى. Call-ورتالىقتاردىڭ قىزمەتكەرلەرى بارلىق سۇراققا جاۋاپ بەرۋگە دايىن.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار