قوعام • 07 ءساۋىر، 2020

باس ءمۇفتي رامازانعا دايىندىق جۇمىستارىن پىسىقتادى

154 رەتكورسەتىلدى

باس ءمۇفتي ناۋرىزباي قاجى تاعان ۇلىنىڭ توراعالىعىمەن قازاقستان مۇسىلماندارى ءدىني باسقارماسىنىڭ ارنايى اپپارات جينالىسى ءوتتى. ماجىلىسكە قمدب اپپارات باسشىسى عىلىمبەك ماجيەۆ، باس ءمۇفتي كەڭەسشىسى بيجىگىت نۇرجىگىت ۇلى، ءبولىم مەڭگەرۋشىلەرى مەن ماماندارى قاتىستى. بۇل تۋرالى muftyat.kz سايتى حابارلادى.

جينالىستىڭ كۇن تارتىبىندە قاسيەتتى رامازان ايىنا دايىندىق جۇمىستارىن پىسىقتاۋ، بيىلعى ءپىتىر ساداقاسىنىڭ مولشەرىن انىقتاۋ، ساداقا جانە زەكەت بەرۋ جۇيەسىن وڭتايلاندىرۋ، جاماعات تاراپىنان ورازاعا قاتىستى سۇراقتارعا دەر كەزىندە جاۋاپ بەرۋ، ت.ب. ماسەلەلەر تالقىلاندى.

«رامازان – ءيسى مۇسىلماننىڭ قاسيەتتى ايى. ءبىز ۇلىق ايدى ۇلكەن دايىندىقپەن قارسى الىپ، ۇيىمداستىرۋ-ۇيلەستىرۋ جۇمىستارىن جوعارى دەڭگەيدە وتكىزۋىمىز ءتيىس. جۇقپالى ىندەتكە بايلانىستى جاعداي تۇراقتالىپ، جاراتقان جاببار يەمىز قاسيەتتى ايدى جاماعاتپەن مەشىتتە قارسى الۋدى جازعاي! ءامين!» دەدى قمدب توراعاسى ناۋرىزباي قاجى تاعان ۇلى.

جينالىس سوڭىندا باس ءمۇفتي شاريعات جانە ءپاتۋا، اقپارات جانە قوعاممەن بايلانىس، قايىرىمدىلىق جانە ۋاقىپ ىستەرى ءبولىمىنىڭ مەڭگەرۋشىلەرىنە ناقتى تاپسىرمالار بەردى.  

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار