ايماقتار • 07 ءساۋىر، 2020

جامبىلدا شەكتەۋ شارالارىنا بايلانىستى ماسەلەلەر تۋىنداۋدا

572 رەتكورسەتىلدى

بۇگىندە جامبىل وبلىسىندا كوروناۆيرۋستىق ينفەكتسيانىڭ تارالۋ دەڭگەيىنىڭ تۇراقتىلىعىن ساقتاۋ ماقساتىندا ءتيىستى جۇمىستار جۇرگىزىلۋدە. الايدا، وڭىردە شەكتەۋ شارالارىن قولدانۋعا بايلانىستى وزەكتى ماسەلەلەر تۋىنداۋدا. بۇل تۋرالى وبلىستىق جەدەل شتاب وتىرىسىندا ايتىلدى.

جامبىل وبلىسىنىڭ اكىمى، شتاب باسشىسى بەردىبەك ساپارباەۆ قاۋىپتى ينفەكتسيا انىقتالعان ازاماتتار وقشاۋلانىپ، ولاردىڭ قاجەتتى مەديتسينالىق كومەك الىپ جاتقاندىعىن جانە دەنساۋلىق جاعدايلارى تۇراقتى ەكەندىگىن اتاپ ءوتتى.

«ستاتيستيكا كورسەتكەندەي، اۋىرعانداردىڭ باسىم بولىگى ءبىزدىڭ وبلىسقا وزگە وڭىرلەردەن كەلگەندەر. وسىعان وراي بلوك-بەكەتتەردەگى جۇمىستى كۇشەيتۋ قاجەت. مەن كەيبىر بلوك-بەكەتتەردە بولىپ، ونداعى جۇمىستاردىڭ وتە ءالسىز ۇيىمداستىرىلعانىنا كوز جەتكىزدىم. كولىك پەن ازاماتتاردىڭ قوزعالىسىن باقىلاۋ ناشار جۇرگىزىلۋدە، كوبىنە سالعىرت قارالۋدا. مۇندايعا جول بەرۋگە بولمايدى. اسىرەسە، قىرعىز رەسپۋبليكاسىمەن شەكاراداعى «قاراسۋ»جانە «ايشا ءبيبى» وتكىزۋ پۋنكتتەرىنىڭ  جۇمىسىن بارىنشا شيراتۋ كەرەك»، دەدى اكىم. ال، وبلىس اكىمىنىڭ ءبىرىنشى ورىنباسارى بەكبولات ورىنبەكوۆ حالىقتى جۇمىسپەن قامتۋدى قامتاماسىز ەتۋ جانە توتەنشە جاعداي اياسىندا قابىلدانىپ جاتقان الەۋمەتتىك تولەمدەر جونىندەگى ۇيىمداستىرۋ شارالارى تۋرالى باياندادى. ونىڭ ايتۋىنشا، «جۇمىسپەن قامتۋدىڭ جول كارتاسى» اياسىندا 690 ينفراقۇرىلىمدىق جوبا انىقتالسا، ولاردى جۇزەگە اسىرۋ ءۇشىن 56 ميلليارد تەڭگەدەن استام قاراجات قاراستىرىلعان. ناتيجەسىندە 18،7 مىڭ ۋاقىتشا جانە 1100-دەن استام تۇراقتى جۇمىس ورنى اشىلادى دەپ كۇتىلۋدە.

ول سونداي-اق، توتەنشە جاعداي كەزىندە تابىستان ايىرىلۋ بويىنشا الەۋمەتتىك تولەمدەردى تاعايىنداۋعا بايلانىستى بىرقاتار جايتتارعا توقتالدى. سونىڭ ءبىرى – ەكىنشى دەڭگەيدەگءى بانكتەردىڭ كەڭسەلەرىندە جانە «قازپوشتا»بولىمشەلەرىندە شوت اشۋعا نيەت بىلدىرگەن ادامدار قاراسىنىڭ قالىڭدىعى. بۇل ورايدا ۇلتتىق بانكتىڭ وبلىستىق فيليالى مەن «قازپوشتا» اق فيليالىنىڭ باسشىلىعىنا ءتيىستى شارالار قابىلداۋ تاپسىرىلدى.

 

جامبىل وبلىسى

 

 

 

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار