قازاقستان • 07 ءساۋىر، 2020

ديماش مۇگەدەك بالا باعىپ وتىرعان وتباسىلارعا ازىق-ت ۇلىك جەتكىزدى

97 رەتكورسەتىلدى

ديماشتىڭ ۇيىمداستىرۋىمەن ءارى ونىڭ جەكە قاراجاتى ەسەبىنەن اقتوبەگە ارنايى ازىق-ت ۇلىك پاكەتتەرى جەتكىزىلدى. ونى Nur Otan پارتياسى «Jas وtan» جاستار قاناتى قاتارىنداعى ەرىكتىلەر توبى ءار وتباسىعا تاراتىپ، ۇيلەستىرىپ بەردى. ونىڭ ىشىندە «ديماش» شايى دا بار.

حالقىمىزدىڭ اسا دارىندى ۇلىنىڭ جاناشىرلىعى مەن شىنايى كومەگىنە قيىن شاقتا مۇگەدەك بالالارعا قول ۇشىن بەرۋ جونىندە قابىلداعان شەشىمىنە اتا-انالار شەكسىز ريزاشىلىعى مەن العىستارىن ءبىلدىردى.

ايتا كەتەرلىك ءجايت بۇعان دەيىن ديماش ينستاگرام پاراقشاسىندا كوروناۆيرۋس ىندەتى كەزىندە بارلىق وتانداستارىمىزدى ۇيدەن شىقپاۋعا شاقىرعان بولاتىن. وسى ورايدا ول تومەندەگىدەي جولداردى جازىپ قالدىرىپتى.

«بۇل بۇرىن-سوڭدى بولىپ كورمەگەن قاۋىپتى قۇبىلىس، جاعىمسىز ءجايت. ونى جەڭىپ شىعاتىنىمىزعا سەنىمىم مول. ويتكەنى ومىردە وزگەرمەيتىن ەشتەڭە جوق. ءبارى دە وتكىنشى. مەن سەندەرگە سەنەمىن. وزدەرىڭدى قورعاي بىلىڭىزدەر. ءبىز قازىرگى كەزدە تەك ۇيدە وتىرۋعا ءتيىسپىز. سىزدەرگە ەڭ الدىمەن اماندىق تىلەيمىن. كۇللى الەمدى بيلەگەن اۋىر ىندەتتىڭ الدىن-الۋ ماقساتىندا اتقارىلىپ جاتقان ارلىق ساقتىق شارالارىنا نەمقۇرايلى قاراماۋعا شاقىرامىن. ءسال توزىمدىلىك تانىتىڭىزدار. اللا بارىمىزگە سابىر بەرسىن. ەلىمىز امان، جۇرتىمىز تىنىش بولسىن» دەدى ول.

سونداي-اق ديماش ءوز پاراقشاسىندا بۇگىنگى كۇنى كوروناۆيرۋس ىندەتىمەن جانقيارلىقپەن كۇرەسىپ جاتقان ءوز وي-پىكىرىن تومەندەگىشە تۇجىرىمداعان.

«ادامدارعا اراشا ءتۇسۋ ءۇشىن ءوز باستارىن قاۋىپ-قاتەرگە تىگىپ جۇرگەن مەديتسينا قىزمەتكەرلەرىنىڭ ءىس-قيمىلدارىنا ءتانتىمىن. ەلىمىزدەگى جانە تۇتاستاي الەمدەگى دەنساۋلىق ساقشىلارىنا باسىمدى ءيىپ، العىسىمدى ايتامىن. ادەتتە انشىلەر مەن كينو جۇلدىزدارى، اتاقتى سپورتشىلار ەل-جۇرتتىڭ شەكسىز قوشەمەتى مەن قۇرمەتىنە يە بولىپ جاتادى. سولاردىڭ اراسىندا ءوزىم دە بار ەكەنىم بەلگىلى. دەگەنمەن قازىرگى قيىن-قىستاۋ كەزەڭدە دارىگەرلەر قوعامىمىزدا بۇدان دا جوعارى قۇرمەت پەن قولداۋعا ابدەن لايىقتى دەپ ەسەپتەيمىن» دەپ جەتكىزدى ول. 

 

اقتوبە

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار