الەم • 07 ءساۋىر، 2020

ا.مەركەل: بۇل - ەۋروپا ءۇشىن ۇلكەن سىناق

16 رەتكورسەتىلدى

بەرليندە وتكەن ءباسپاسوز ءماسليحاتىندا گفر كانتسلەرى انگەلا مەركەل كوروناۆيرۋس ەۋرووداق قۇرىلعاننان بەرگى كەزدەسكەن العاشقى ۇلكەن سىناق بولىپ وتىرعانىن ايتتى.

«مەنىڭ ويىمشا، كۇللى ەۋروپا، ەۋروپا وداعى ۇلكەن سىناقتىڭ الدىندا تۇر. حالقىمىزدىڭ دەنساۋلىعى سىنالاتىن ۋاقىت. بۇل ماسەلە وداققا مۇشە مەملەكەتتەردىڭ بارلىعىنا دا قاتىستى. سوندىقتان گەرمانيا دا باسقا مەملەكەتتەر سياقتى وداقتىڭ بۇل تىعىرىقتان سۇرىنبەي شىققانىن قالايدى» دەدى كانتسلەر.

«پاندەميانىڭ دا اياقتالار كەزىن كەسىپ ايتۋ قيىن. ناقتى ۋاقىتىن بولجاۋ ءتىپتى مۇمكىن ەمەس. قازىر ۋاقىت بولجاپ وتىراتىن دا ۋاقىت جوق» دەپ تۇيىندەدى ول. وعان قوسا ماسەلەنى شەشۋگە مەديتسينا قىزمەتكەرلەرى الەۋمەتتانۋشىلار مەن ەكونوميستەرمەن بىرلەسىپ جۇمىس ىستەۋى كەرەگىن ايتتى. 

سونىمەن قاتار الداعى كۇندەرگە جوسپارلانعان قارجى مينيسترلەرىنىڭ وتىرىسىندا پاندەميا كەزىندە ەكونوميكانى ىنتالاندىرۋ شارالارى تالقىلاناتىنىن جەتكىزدى.

«وداق مۇشەلەرىنىڭ ەكونوميكاسى تىعىز بايلانىسقانىن بىلەمىز. ەركىن تاۋار اينالىمى بولماسا، قانداي قاۋىپ تونەتىنىن دە كورىپ وتىرمىز. سوندىقتان جاقسى جۇمىس ىستەيتىن ەۋروپا بولۋىمىز كەرەك. بۇل بارلىق مەملەكەتكە قاتىستى» دەدى ا.مەركەل.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار