ايماقتار • 07 ءساۋىر، 2020

تۇرعىندار توتەنشە جاعداي ءتارتىبىن نەگە ءجيى بۇزادى؟

34 رەتكورسەتىلدى

الماتى وبلىسىنىڭ پروكۋراتۋراسى جاريا ەتكەن مالىمەتتەرگە قاراساق، ايماق تۇرعىندارى اراسىندا توتەنشە جاعداي ءتارتىبىن بۇزۋشىلار ازايماي وتىر.

بۇگىنگە دەيىن 195 زاڭعا قايشى ارەكەت انىقتالىپ، 38 ادام قاماۋعا الىنعان. ال 151 تۇلعاعا اكىمشىلىك ايىپپۇل سالىنىپ، 6 تۇرعىنعا ەسكەرتۋ بەرىلگەن ەكەن.

ەسكەرتۋ مەن ساقتىق شاراسىنىڭ كۇشەيگەنىنە قاراماستان، كارانتين ەرەجەسىنە پىسقىرماۋ وقيعاسى دا قايتالانىپتى. مىسالعا، سارقان اۋدانىندا ءۇي كارانتينىندە جاتقان رەسەي فەدەراتسياسىنىڭ ازاماتى وقشاۋلاۋ ءتارتىبىن ورەسكەل بۇزىپ، دۇكەن ارالاپ كەتكەن. سول سەبەپتى اۋداندىق اۋرۋحانانىڭ جەدەل دارىگەرلەر توبى وقشاۋلانعان اداممەن بايلانىستا بولعان تۇرعىنداردىڭ بارلىعىن قايتا تەكسەرۋگە ءماجبۇر بولىپتى. ال ءتارتىپسىز تۇلعاعا 10 ايلىق مولشەردە ايىپپۇل سالىندى.

سونداي-اق ىلە اۋدانىنىڭ ەكى تۇرعىنى WhatsApp جەلىسى ارقىلى سانيتارلىق بەكەتتەگى پوليتسەيلەر مەن اۋدانداعى ءدارىحاناشىنىڭ كوروناۆيرۋس جۇقتىرعانى جايىندا جالعان اقپارات تارتقانى ءۇشىن ۇستالدى. ولار كىناسىن مويىنداپ، جاريا تۇردە كەشىرىم سۇراعان.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار