ايماقتار • 07 ءساۋىر، 2020

جامبىل وبلىسىندا كوروناۆيرۋس جۇقتىرعاندار سانى ارتۋدا

851 رەتكورسەتىلدى

سوڭعى تاۋلىكتە جامبىل وبلىسىندا كوروناۆيرۋستى ينفەكتسيانىڭ تاعى 5  وقيعاسى انىقتالدى. ناۋقاستىڭ ءبىرى 1999 جىلى تۋعان شىمكەنت قالاسىنىڭ تۇرعىنى بولىپ شىقتى. ول 3 ءساۋىر كۇنى تاراز قالاسىنا «دەلي-تاراز» رەيسىمەن كەلگەن.

جامبىل وبلىستىق اكىمدىگىنىڭ مالىمەتىنشە، اتالعان رەيستىڭ بارلىق جولاۋشىلارى ۇشۋ جولاعىنان بىردەن ارنايى اۆتوبۋستارعا وتىرعىزىلىپ، مەديتسينالىق جانە پوليتسيا قىزمەتكەرلەرىنىڭ ىلەسىپ جۇرۋىمەن كارانتيندىك ستاتسيونارعا جاتقىزىلعان. مەديتسينالىق مەكەمەدە ولاردان 14 كۇن بويى قايتالانعان قان تالداۋلارى الىنادى. سونداي-اق، تاراز قالاسىنىڭ 59 جاستاعى تۇرعىنىنان دا ينفەكتسياعا الىنعان قان تالداۋى وڭ ناتيجە كورسەتكەن. ول بۇعان دەيىن اۋىرعان ناۋقاسپەن بايلانىستا بولعان. ونىمەن قارىم-قاتىناستا بولعان 24 ادام انىقتالىپ، كارانتينگە جاتقىزىلعان.

ال، ءۇشىنشى ناۋقاس وبلىس ورتالىعىنىڭ 86 جاستاعى تۇرعىنى بولىپ شىقتى. ەپيدەميولوگيالىق تەكسەرۋ بارىسىندا ونىڭ 17 ناۋرىز كۇنى الماتى قالاسىنان كەلگەن جاقىن تۋىسىمەن بايلانىستا بولعانى بەلگىلى بولدى. ناۋقاسپەن قارىم-قاتىناستا بولعان 5 ازامات انىقتالىپ، كارانتينگە ورنالاستىرىلدى. سونداي-اق، مەركى اۋدانىنىڭ 1990 جانە 1998 جىلى تۋعان ەكى تۇرعىنىنىڭ قان تالداۋى قورىتىندالارى كوروناۆيرۋسكە وڭ ناتيجە كورسەتكەن. ولارمەن بايلانىستا بولعان 17 تۇلعا كارانتيندىك ستاتسيونارعا ورنالاستىرىلىپ، وقشاۋلاندى. بۇگىندە ناۋقاستارمەن بايلانىستا بولعان ادامداردى انىقتاۋ، ولاردى كارانتيندىك ستاتسيونارعا ورنالاستىرۋ، زەرتحانالىق زەرتتەۋ ءۇشىن تالداۋلار الۋ بويىنشا جۇمىستار جۇرگىزىلۋدە. سانيتارلىق-ەپيدەميالىق قىزمەتتەر ولاردىڭ تۇرعىلىقتى جانە بارعان جەرلەرى بويىنشا دا دەزينفەكتسيالىق وڭدەۋ شارالارىن جۇرگىزۋدە.

 

جامبىل وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار