قازاقستان • 07 ءساۋىر، 2020

ەلدەگى جۇمىسسىزدىقپەن كۇرەس قالاي جۇرگىزىلمەك؟

19 رەتكورسەتىلدى

توتەنشە جاعداي رەجيمى كەزەڭىندە پرەزيدەنت ق.توقاەۆتىڭ تاپسىرماسى «جۇمىسپەن قامۋتدىڭ جول كارتاسىن» ىسكە اسىرۋعا 1 ترلن تەڭگە قاراستىرىلعان. باعدارلامادا 7 مىڭنان اسا جوبا قامتىلادى. ونىڭ ىشىندە 300-دەن استامى ءونىمدى، پەرسپەكتيۆالى جوبالار، بۇل جوبالار تۇراقتى جۇمىس ورنىن قۇرۋعا مۇمكىندىك بەرەدى.

جاڭا «جۇمىسپەن قامتۋدىڭ جول كارتاسىن» قارجىلاندىرۋ 240 مىڭنان اسا جاڭا جۇمىس ورنىن قۇرۋعا مۇمكىندىك بەرەدى، ول جوبانى جۇزەگە اسىرۋ كەزىندە ۋاقىتشا جۇمىسپەن قامتۋدى عانا ەمەس، تۇراقتى جۇمىس ورىندارىن قۇرىلادى دەپ كۇتىلۋدە.

جوعارى تاۋەكەلدى سالالارعا ساۋدا، تۋريزم، قوعامدىق تاماقتاندىرۋ سالالارىنداعى شوب سۋبەكتىلەرى جاتتى. بۇل سەكتورلاردا 1،6 ملن اسا جۇمىسكەر جۇمىسپەن قامتىلعان.

جول كارتاسى كەلەسى جۇمىستار مەن نىساندار تۇرلەرى بويىنشا ينفراقۇرىلىمدىق جوبالاردى ىسكە اسىرۋدى قاراستىرادى:

1) الەۋمەتتىك-مادەني نىسانداردى - ءبىلىم بەرۋ، دەنساۋلىق ساقتاۋ، الەۋمەتتىك قامسىزداندىرۋ، مادەنيەت، سپورت، بوس ۋاقىت جانە دەمالىس، تۇرعىندارعا قىزمەت كورسەتۋ نىساندارىن كۇردەلى جانە اعىمداعى جوندەۋ جۇمىستارى، رەكونسترۋكتسياسى (سەيسميكالىق قاۋىپتى وڭىرلەر ءۇشىن سەيسموكۇشەيتۋ ارقىلى كۇردەلى جوندەۋگە جول بەرىلەدى);

2) تۇرعىن ءۇي-كوممۋنالدىق شارۋاشىلىعى نىساندارىن كۇردەلى، ورتاشا جانە اعىمداعى جوندەۋ، رەكونسترۋكتسياسى (سۋمەن قامتۋ، كارىز جۇيەسى نىساندارى، گازبەن، جىلۋمەن، ەلەكترمەن قامتۋ جۇيەلەرى);

3) ينجەنەرلىك-كولىك ينفراقۇرىلىمىن كۇردەلى، ورتاشا جانە اعىمداعى جوندەۋ، رەكونسترۋكتسياسى، قۇرىلىسى (قالالىق اۆتوموبيل جولدارى، كەنت ىشىندەگى جانە اۋىل ىشىندەگى جولدار، كىرە بەرىس جولدار، جاياۋ جۇرگىنشى جولدارى، بوگەتتەر، دامبالار مەن كوپىرلەر، كانالدار، سۋ شارۋاشىلىعى نىساندارى مەن قۇرىلىمدارى);

4) ەلدى مەكەندەردى اباتتاندىرۋ (اۋلالاردى اباتتاندىرۋ، كوشەلەردى، ساياباقتار مەن سكۆەرلەردى جارىقتاندىرۋ جانە جاسىلداندىرۋ، يەسىز نىسانداردى، شاعىن ساۋلەت مۇسىندەرىن، قورشاۋلاردى، بالالاردىڭ ويىن جانە سپورت الاڭدارىن بۇزۋ). 

باعدارلاماعا كىمدەر قاتىسا الادى؟

حالىقتى جۇمىسپەن قامتۋ ورتالىقتارى قاجەتتى بىلىكتىلىگى بار مامانداردى ىرىكتەپ جانە وسى اۋداندا (قالادا) تۇراتىن جۇمىسسىزداردى، ونىڭ ىشىندە ۋاقىتشا تىركەۋدە تۇرعانداردى ينفراقۇرىلىمدىق جوبالاردى ىسكە اسىراتىن مەردىگەر جۇمىس بەرۋشىلەر باعىتتايدى، ال قاجەت بولعان جاعدايدا جۇمىس بەرۋشىلەردىڭ ءتيىستى جۇمىستارىن ورىنداۋ ءۇشىن كادرلاردى قايتا دايارلاۋدى قامتاماسىز ەتەدى. بۇل رەتتە ەڭبەككە ورنالاستىرۋدا 29 جاسقا دەيىنگى جاستارعا باسىمدىق بەرىلەدى.

«جۇمىسپەن قامتۋدىڭ جول كارتاسى» اياسىندا ينفراقۇرىلىمدىق جوبالاردى ىسكە اسىرۋ بيىل ءساۋىر ايىندا باستالدى. كۇردەلى جانە اعىمداعى جوندەۋ، قايتا جوندەۋ بويىنشا ينفراقۇرىلىمدىق جوبالار قارا كۇزگە دەيىن ىسكە اسىرىلادى، ال جاڭا نىسانداردىڭ سالىنۋىن كوزدەيتىن جوبالار جىل سوڭىنا دەيىن ىسكە اسىرىلادى.

بيىل جوبالاردى ىسكە اسىرۋ كەزىندە 250 مىڭ جۇمىس ورنىن قۇرۋ جوسپارلانعان. شارتتارعا سايكەس، جۇمىسكەرلەردىڭ كەمىندە 50%-ى جۇمىسسىز جاستارعا باسىمدىق بەرۋمەن جۇمىسپەن قامتۋ ورتالىقتارى ارقىلى جالداناتىن بولادى.

جاستار كۇردەلى جانە اعىمداعى جوندەۋ جۇمىستارىنا، تۇرعىن ءۇي-كوممۋنالدىق شارۋاشىلىعى، الەۋمەتتىك-مادەني، ينجەنەرلىك-كولىك نىساندارىنىڭ كۇردەلى جانە اعىمداعى جوندەۋ جۇمىستارىنا، رەكونسترۋكتسياسى مەن قۇرىلىسىنا جانە ەلدى مەكەندەردى اباتتاندىرۋعا قاتىسادى.  

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار