ايماقتار • 07 ءساۋىر، 2020

شىمكەنت: تسيفرلى وتباسىنىڭ ءبىر كۇنى

240 رەتكورسەتىلدى

ەلىمىزدە ورىن العان توتەنشە جاعدايعا بايلانىستى بىرنەشە مەكەمەلەر قاشىقتان جۇمىس ىستەۋ رەجيمىنە كوشتى. بۇگىنگى كەيىپكەرىمىز شىڭعىس سمايىل – قىزمەتىن ۇيدەن جۇرگىزىپ جۇرگەن شىمكەتتىك تۇرعىننىڭ ءبىرى. ول شىمكەنت قالالىق اباي اۋداندىق حقو مامانى بولىپ جۇمىس ىستەيدى. قازىردە قازاقستاندىقتارعا مەملەكەتتىك قىزمەتتەردى ونلاين الۋ جونىندە كەڭەس بەرىپ، 1414 بايلانىس ورتالىعىنا كەلەتىن قوڭىراۋلارعا ۇيدەن جاۋاپ بەرىپ وتىر. بارلىعىنا ءبىر مەزەتتە ۇلگەرىپ، حالىققا دا، وتباسىنا دا بىردەي كوڭىل ءبولۋ تەك جاۋاپكەرشىلىگى مول ادامداردا عانا كەزدەسەتىن قاسيەت دەپ ەسەپتەيمىز.

ءبىلىم سالاسىندا قىزمەت اتقارىپ كەلە جاتقان جارى شولپان ەكەۋى 1 ۇل، 2 قىز تاربيەلەپ وتىرعان ۇلگىلى وتباسى. تاڭنان قارا كەشكە دەيىن كەلگەن وڭىراۋلارعا جاۋاپ بەرىپ وتىرعان شىڭعىس جارىنا جاردەمدەسىپ، بالالاردىڭ ساباعىنا دا كوڭىل ءبولىپ ۇلگەرەدى ەكەن. 

«كۇنىنە كەمىندە ماعان 200-دەن اسا قوڭىراۋ كەلىپ تۇسەدى. قازىرگى ەلىمىزدە ورىن الىپ جاتقان جاعدايعا بايلانىستى 1414 بىرىڭعاي بايلانىس ورتالىعىنا حابارلاسىپ، كەڭەس سۇراپ جۇگىنەتىن قىزمەت الۋشىلار كوبەيدى. مەملەكەتتىك قىزمەت تۇرلەرى بويىنشا قولىمىزدان كەلگەنشە جەدەل تۇردە اقپارات بەرىپ، سۇرانىستارىن قاناعاتتاندىرۋعا تىرىسامىز. سەبەبى كۇنىنە كەمى 200 قوڭىراۋدىڭ ارتىندا سۇراقتارى بويىنشا حابارلاسىپ وتىرعان حالىق وتىر. ۋاقىت – التىننان دا قىمبات» دەيدى شىڭعىس.

1

ەستەرىڭىزگە سالا كەتەيىك، «ازاماتتارعا ارنالعان ۇكىمەت» مەملەكەتتىك كورپوراتسياسى قۇرعان Call-ورتالىقتاردا 1414 بىرىڭعاي بايلانىس ورتالىعىنىڭ جۇمىسىن كۇشەيتۋ ءۇشىن 2366 حقكو قىزمەتكەرى تارتىلعان.

شىمكەنت قالاسى بويىنشا  142 قىزمەتكەر 1414 تەلەفونى ارقىلى كەڭەس بەرەتىن ورتالىققا تارتىلعان. ونىڭ  95 ۇيدەن ۇيالى تەلەفون ارقىلى كەڭەس بەرەدى، 47 قىزمەتكەر بەينەقوڭىراۋ ارقىلى كورسەتىلەتىن قىزمەتتى الۋشىلاردى بەينەيدەنتيفيكاتسيالاۋ ءۇشىن تارتىلعان.

 

شىمكەنت 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار