ايماقتار • 07 ءساۋىر، 2020

شىمكەنت: ناۋقاستارمەن بايلانىستا بولعان 75 ازامات وقشاۋلانىپ، مەديتسينالىق باقىلاۋعا الىندى

17 رەتكورسەتىلدى

شىمكەنت قالاسىندا كوروناۆيرۋس ينفەكتسياسىن جۇقتىرعان تاعى 5 ازامات تىركەلدى. بۇل ناۋقاستاردىڭ بارلىعى 5 ءساۋىر كۇنى ىندەت انىقتالعان 24 جاستاعى ازاماتپەن تىعىز بايلانىستا بولعان وتباسى مۇشەلەرى. بۇل تۋرالى شىمكەنت قالاسى دەنساۋلىق ساقتاۋ باسقارماسى باسشىسىنىڭ ورىنباسارى ايگۇل بەكباۋوۆا باق وكىلدەرىنىڭ قاتىسۋىمەن وتكەن بريفينگتە ءمالىم ەتتى.

باسقارما وكىلىنىڭ ايتۋىنشا، ىندەتتى جۇقتىرعان وتباسى مۇشەلەرى قالالىق جۇقپالى اۋرۋلار اۋرۋحاناسىندا باقىلاۋدا بولعان. ينفەكتسيانى انىقتاۋ بويىنشا جۇرگىزىلگەن زەرتحانالىق تەكسەرۋدەن COVID-19 سىناماسى وڭ ناتيجە كورسەتتى. ناۋقاستاردىڭ بارلىعىنا قاجەتتى ەم تاعايىندالدى، جاعدايلارى قاناعاتتانارلىق. 

ناۋقاستارمەن بايلانىستا بولعان 75 ازامات انىقتالدى. ولاردىڭ بارلىعى وقشاۋلانىپ، مەديتسينالىق باقىلاۋعا الىندى. 

قازىرگى تاڭدا شىمكەنتتە كوروناۆيرۋس ينفەكتسياسىنا شالدىققان 19 جاعداي تىركەلگەن. سونىمەن قاتار، تۇركىستان وبلىسىنان 2 ناۋقاس قالالىق جۇقپالى اۋرۋلار اۋرۋحاناسىنا اۋىستىرىلدى. بۇل ناۋقاستارعا جانساقتاۋ بولىمىندە ءتيىستى ەم كورسەتىلۋدە.

 

شىمكەنت

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار