ايماقتار • 07 ءساۋىر، 2020

قاراعاندى وبلىسى: جەتى ادام COVID-19 جۇقتىرعان

126 رەتكورسەتىلدى

بۇگىن قاراعاندى وبلىسىندا تاعى دا جەتى ادامنىڭ COVID-19 جۇقتىرعانى انىقتالدى. بۇلار بۇعان دەيىن كوروناۆيرۋسپەن اۋىرعان  جانە كارانتينگە جاتقىزىلعان ناۋقاستارمەن ارالاس-قۇرالاس بولعان ادامدار. قازىرگى ۋاقىتتا ولاردىڭ بارلىعى ينفەكتسيالىق بوكستارعا وقشاۋلاندى  جانە ءتيىستى ەم-دوم الىپ جاتىر.

بۇگىنگى جەتى ادامدى قوسقاندا، قاراعاندى وبلىسىندا كوروناۆيرۋس ينفەكتسياسىن جۇقتىرعانداردىڭ سانى 55-كە جەتتى. ءبىر ناۋقاس وسى دەرتتەن قايتىس بولدى.

جالپى، قاراعاندى وبلىسىندا 1 440 ادام ءۇي كارانتينىندە وتىر. تاۋلىك بويى باقىلاۋعا الىنعان 908 تۇرعىن بار، ونىڭ ىشىندە 54-ءى ينفەكتسيالىق بوكسقا جاتقىزىلعان. بۇلاردىڭ ءبارى 1ا جانە 1ب ساناتىنداعى ەلدەردەن (يتاليا، فرانتسيا، يسپانيا، يران، گەرمانيا، ءۇندىستان، تايلاند، مالايزيا، ءباا، شري-لانكا، مىسىر) ورالعان نەمەسە كوروناۆيرۋس جۇقتىرعان ادامدارمەن شارتتى تۇردە بايلانىستا بولعان ازاماتتار.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار