ايماقتار • 06 ءساۋىر، 2020

م.ايتەنوۆ شىمكەنتتەگى پەرزەنتحانانىڭ قۇرىلىس جۇمىسىمەن تانىستى

24 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ قالالىق پەرزەنتحانادا ءجۇرىپ جاتقان كۇردەلى جوندەۋ جۇمىستارىمەن تانىستى.

بۇگىندە مەديتسينالىق ۇيىمعا تيەسىلى 6 عيماراتتا كۇردەلى جوندەۋ جۇمىستارى قارقىندى جۇرۋدە. مەردىگەر كومپانيا ءساۋىردىڭ سوڭىندا العاشقى 3 كورپۋستىڭ قۇرىلىسىن ءبىتىرۋدى جانە 3 عيماراتتىڭ كۇردەلى جوندەۋىن كۇزگە دەيىن اياقتاۋدى جوسپارلاپ وتىر.

بيۋدجەتتەن 1،7 ملرد. تەڭگە قارجى قارالعان نىسانداعى جۇمىستارمەن تانىسقان قالا اكىمى قاناعاتتانارلىق دەپ باعا بەردى.
قازىرگى تاڭدا قالالىق پەرزەنتحانانىڭ ەسكى عيماراتىندا قاجەتتى ەم-دوم الۋدا. جوندەۋ جۇمىستارى اياقتالىسىمەن جاڭا بولىمگە كوشىرىلەدى.

نىسان تولىقتاي سوڭعى ۇلگىدەگى مەديتسينالىق قوندىرعىلارمەن جابدىقتالىپ، زامان تالابىنا ساي جاڭعىرتىلىپ جاتىر. قۇرىلىس باراسىندا قالا اكىمى عيمارات ماڭىندا اۆتوتۇراق ماسەلەسىن شەشۋدى تاپسىردى. قاجەت بولعان جاعدايدا قوس قاباتتى اشىق اۆتوتۇراق سالۋعا بولاتىنىن ايتتى.

– جالپى قالالىق پەرزەنتحانادا جىل سايىن 9 مىڭ نارەستە دۇنيەگە كەلەدى. جوندەۋ جۇمىستارى اياقتالعاننان كەيىن مۇندا جىلىنا 10 مىڭ انانىڭ بوسانۋىنا مۇمكىندىك جاسالاتىن بولادى، دەيدى پەرزەنتحانانىڭ باس دارىگەرى ءمادينا كەنجەباەۆا.

 
شىمكەنت
سوڭعى جاڭالىقتار

ۇقساس جاڭالىقتار