ايماقتار • 06 ءساۋىر، 2020

اقتوبە قالاسى كارانتينگە جابىلدى

130 رەتكورسەتىلدى

اقتوبە قالاسىندا كوروناۆيرۋس ينفەكياسىن جۇقتىرعان ادامداردىڭ سانى كۇننەن كۇنگە ءوسىپ بارادى. سوعان بايلانىستى اقتوبە وبلىسىنىڭ باس مەملەكەتتىك سانيتارلىق دارىگەرى نۇرسۇلۋ بەركىمباەۆا اقتوبە قالاسىنىڭ اۋماعىندا 6 ءساۋىر كۇنى ساعات 21-00 دەن باستاپ كارانتين رەجيمى ەنگىزىلەدى جونىندە قاۋلى شىعاردى. بۇل توتەنشە قۇجات ەڭ الدىمەن كاسىپكەرلىك ءارى وزگە دە قىزمەت سالالارى مەن تۇرعىنداردىڭ ەرەكشە ءومىر ءسۇرۋىنىڭ جاعدايلارىن قامتيدى.

سوعان سايكەس ازىق-ت ۇلىك دۇكەندەرى مەن ءدارىحانالاردان، ەمدەۋ مەن الدىن الۋ شارالارىن جۇرگىزۋدەن وزگە قىزمەت تۇرلەرى توقتاتىلادى. مەكەمە كاسىپورىندار مەن «قازپوشتا» بولىمشەلەرى، ەكىنشى دەڭگەيدەگى بانكتەر ءوز جۇمىستارىن ونلاين رەجيمىندە جۇرگىزەدى. اقتوبە قالاسىنىڭ تۇرعىندارى ءدارىحانا مەن ازىق-ت ۇلىك دۇكەنىنەن وزگە جەرگە بارۋىنا تيىم سالىنادى. جەرلەۋ ءراسىمى كەزىندە ادامداردىڭ شوعىرلانۋى ون ادامنان اسپاۋى كەرەك، بارلىق مەملەكەتتىك مەكەمەلەر مەن ۇيىمداردىڭ باسشىلارىنا كارانتين ءتارتىبىن ورناتۋ مەن ساقتاۋعا قاتىستى اسا جاۋاپتى مىندەتتەر جۇكتەلەدى. اقتوبە وبلىسىنىڭ دەنساۋلىق ساقتاۋ باسقارماسىنا ىندەتتى انىقتاۋ، ۆيرۋس جۇقتىرعانداردى وقشاۋلاۋ، دەزينفەكتسيالاۋ جۇمىستارىن جان-جاقتى ءارى كاسىبي ساپالىق دەڭگەيدە جۇرگىزۋى كەرەك. قالالىق تاۋارلار مەن كورسەتىلەتىن قىزمەتتەر ساپاسى مەن قاۋىپسىزىگىن قامتاماسىز ەتۋ دەپارتامەنتى مەن اقتوبە وبلىسىنىڭ پوليتسيا دەپارتامەنتىنە سOVID-19 ناۋقاسىمەن تاپ بولعانداردى شۇعىل انىقتاۋ جانە ەپيدەمياعا قاتىستى پروفيلاكتيكالىق ءىس-شارالار جۇرگىزۋ  جۇكتەلەدى. اتالعان دەپارتامەنتتەر كارانتيندىك رەجيمنىڭ ساقتالۋىن ۇدايى باقىلاۋى ءتيىس. سونداي-اق اقتوبە وبلىسى بويىنشا «ۇلتتىق ساراپتاما ورتالىعى» فيليالى سOVID-19 زەرتحانالىق زەرتتەۋلەرىن جۇرگىزۋ مەن ونىڭ ناتيجەلەرىن قامتاماسىز ەتۋگە، كورسەتىلگەن قىزمەتتەردىڭ ساپاسى مەن قاۋىپسىزدىگىن ەتۋى ءتيىس. وسىنداي ءتارتىپ سىنامالار جەتكىزگەن مەديتسينالىق جانە وزگە دە ۇيىمدارعا، ينفەكتسيا وشاقتارىندا دەزينفەكتسيالىق ءىس-شارالار وتكىزۋگە قاتىستى بولىپ وتىر.

اقتوبە قالاسىندا توتەنشە جاعداي جۇرگىزۋىنە بايلانىستى اقتوبە وبلىسىنىڭ باس مەملەكەتتىك سانيتارلىق دارىگەرى ءوز وي-تۇجىرىمىن گازەت تىلشىسىنە بىلايشا جەتكىزدى.

– اقتوبە وبلىسىنىڭ باس مەملەكەتتىك سانيتارلىق دارىگەنىڭ 2020 جىلدىڭ 29 ناۋرىزىنداعى №4 قاۋلىسىنىڭ كۇشى اقتوبە قالاسىنىڭ كارانتيندىك اۋماعىندا قولدانىلمايدى. وسى قاۋلىنىڭ ورىندالۋىن باقىلاۋدى وزىمە قالدىرامىن. ءارى وسى قاۋلى قول قويىلعان كۇننەن باستاپ كۇشىنە ەنەدى.

اقتوبە

سوڭعى جاڭالىقتار

ۇقساس جاڭالىقتار