ايماقتار • 06 ءساۋىر، 2020

ونلاين جيىندا قانداستاردىڭ جايى تالقىلاندى

64 رەتكورسەتىلدى

قانداس كاسپكەرلەردىڭ قازىرگى تاڭداعى احۋالى مەن بيزنەستىڭ جاي-كۇيى كەڭىنەن تالقىلاندى.

دۇنيەجۇزى قازاقتارىنىڭ قاۋىمداستىعى «وتانداستار» قورى كەاق-نىڭ شىعىس قازاقستان وبلىستىق فرونت-ءوفيسى «كوروناۆيرۋس ىندەتى كەزىندەگى شاعىن جانە ورتا كاسىپكەرلىكتىڭ پروبلەمالىق ماسەلەلەرى» تاقىرىبىندا ونلاين جيىن وتكىزدى.

​شاراعا «وتانداستار» قورى كەاق ورتالىق اپپاراتىنان ب.زاۋىت ۇلى، ا.احات ۇلى، ت.ماگجاەۆ، وبلىستىق فرونت ءوفيسىنىڭ باس ساراپشىسى اسكەرحان اقتاي جانە ءوڭىردىڭ كاسىپكەرلەرى قاتىستى. ونلاين باسقوسۋدا قانداس كاسپكەرلەردىڭ قازىرگى تاڭداعى احۋالى مەن بيزنەستىڭ جاي-كۇيى كەڭىنەن تالقىلاندى.

​جيىندا ءسوز سويلەگەن زايسان اۋدانى دايىر اۋىلىنىڭ تۇرعىنى مامىربەك بىرلىك: ​«ەگىن شارۋاشىلىمەن اينالىسامىن. تارى ءوسىرىپ جانە ونى وڭدەپ، قىتاي ەلىنە ەكسپورتقا شىعارامىز. كۇنىنە 2 تونادان ءونىم شىعارا الامىز. ءبىر ايدا 200 ​ تونناعا دەيىن شىعارعان كەزدەرىمىز بولدى. شەگارا اشىلسا، جاعداي قالىپقا تۇسسە ودان ارى جالعاستىرا بەرەمىز. تارى اسا قۋاتتى ءونىم، ۇلتتىق اس اۋقاتتىڭ ءبىر ءتۇرى. بۇل ۇلتتىق ونىمگە قىتاي ەلىندە جانە ءوز ەلىمىزدە سۇرانىس وتە مول. ءبىز تەك حالىقتىڭ سۇرانىسىن وتەپ وتىرمىز. الداعى ۋاقىتتا جۇمىس اۋقىمىن كەڭەيتۋگە دە بولادى. بيىل تارىنى ارناۋلى قوراپپەن شىعارامىز. قازىر ساۋدالانۋى توقتاپ تۇر. بىراق شيكىزاتپەن ءونىم شىعارىپ جاتىرمىز» دەدى.

​ اياگوز اۋدانىنىڭ قوساعاش اۋىلىنىڭ تۇرعىنى مەرگەنبەك ازىكەي: «مەن جىلقى وسىرەمىن. ءونىمىن كۇندەلىكتى نارىقتا ساۋدالاپ وتىرمىز. جەڭىلدىك، نەسيەلەرمەن قامتىلعان جوقپىز. نەسيەگە ءوتىنىش بەرگەنىمىزبەن الا المادىق. جەم-ءشوپ، قورا جاي بارلىعىن ءوزىمىز ءوز كۇشىمىزبەن قامداپ كەلەمىز. مەن موڭعوليا مەملەكەتىنەن كەلگەنمىن. ادال ەڭبەگىمىزبەن مال شارۋاشىلىعىمەن اينالىسىپ، اياگوز قالاسىن ەت جانە سۇتپەن قانىمداپ وتىرمىز» دەدى.

​ وسكەمەن تۇرعىنى جايناگۋل حاۆدوس ساۋدا-ساتتىقپەن اينالىساتىندىعىن، قازىرگى ۋاقىتتا تۇتىنۋشىلار از، الىستان تاۋار تاسۋعا مۇمكىندىك بولماي تۇرعاندىعىن ايتىپ، شاعىن كاسىپكەرلىكتى قولداۋدىڭ قاجەتتىگىن جەتكىزدى. ول سونىمەن قاتار مەملەكەتتەن جەڭىلدىك نەسيەلەردى الۋعا قور تاراپىنان كومەك قاجەت ەكەندىگىن ءسوز ەتتى.

 

وسكەمەن

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار