ايماقتار • 06 ءساۋىر، 2020

جامبىلدا كوروناۆيرۋس ينفەكتسياسىنىڭ تاعى 7 دەرەگى انىقتالدى

420 رەتكورسەتىلدى

بۇگىن جامبىل وبلىسىندا كوروناۆيرۋس ىندەتىنىڭ تاعى دا جاڭا 7 جاعدايى انىقتالدى. ناۋقاس 1992 جىلى تۋعان. نۇر-سۇلتان قالاسىنىڭ تۇرعىنى. ول ءوز اۆتوكولىگىمەن تاراز قالاسىندا تۇراتىن اتا-اناسىنا كەلگەن.

ناۋقاس 5 ءساۋىر كۇنى جرۆي بەلگىلەرىمەن پروۆيزورلىق ستاتسيونارعا جاتقىزىلعان. كوروناۆيرۋستىق ينفەكتسياعا زەرتحانالىق زەرتتەۋ قورىتىندىسى وڭ ناتيجە كورسەتكەن. ناۋقاسپەن بايلانىستا بولعان بارلىق ادامدار كارانتيندىك ستاتسيونارعا ورنالاستىرىلعان. بۇگىندە ولاردىڭ جاعدايى قاناعاتتانارلىق، شاعىمدارى جوق. سونداي-اق، مەكەن-جايى جانە ورنالاسقان جەرى بويىنشا دەزينفەكتسيالىق وڭدەۋ شارالارى جۇرگىزىلگەن.

جامبىل وبلىسى اكىمدىگىنىڭ حابارلاۋىنشا، قالعان 6 دەرەك قورداي اۋدانىنان تىركەلگەن. ىندەتتى جۇقتىرعاندار قورداي اۋدانىنىڭ 1958، 1963، 1968، 1971، 1988 جانە 2001 جىلى تۋعان تۇرعىندارى بولىپ شىقتى. بۇگىنگى تاڭدا ناۋقاستارمەن بايلانىستا بولعان ادامداردى انىقتاۋ، ولاردى كارانتيندىك ستاتسيونارعا ورنالاستىرۋ، زەرتحانالىق زەرتتەۋ ءۇشىن تالداۋلار الۋ بويىنشا جۇمىستار جۇرگىزىلۋدە. سونداي-اق، سانيتارلىق-ەپيدەميالىق قىزمەتى ولاردىڭ تۇراتىن جانە بارعان جەرلەرى بويىنشا دەزينفەكتسيالىق وڭدەۋ شارالارىن جۇرگىزۋدە.

 

جامبىل وبلىسى

سوڭعى جاڭالىقتار

ۇقساس جاڭالىقتار