ەكونوميكا • 06 ءساۋىر، 2020

ەكسپورتتىق الەۋەتتى ارتتىرۋ كوزدەلمەك

10 رەتكورسەتىلدى

توتەنشە جاعداي كەزىندە نارىقتىڭ ۇزدىكسىز جۇمىس ىستەۋىن قامتاماسىز ەتۋ ماقساتى تۇر. وسى رەتتە، مەملەكەت باسشىسى ەكسپورتقا ءونىم شىعاراتىن كومپانيالاردى قولداۋعا تاپسىرما بەردى. بۇل باعىتتا قانداي جۇمىستار اتقارىلىپ جاتقانى تۋرالى ساۋدا جانە ينتەگراتسيا ۆيتسە-ءمينيستى ازامات اسقار ۇلى ايتىپ بەردى.

̶ قازاقستان ازىق-ت ۇلىك قاۋىپسىزدىگىن قامتاماسىز ەتۋ ماقساتىندا، ەاەو ەلدەرى سياقتى ماڭىزدى ازىق-ت ۇلىك تاۋارلارىنىڭ ەكسپورتىنا تىيىم سالدى. الايدا قالعان تاۋارلار بويىنشا ەكسپورتقا بوگەت جوق. الەمدىك ساۋدانىڭ وزگەرىسكە ۇشىراعان قازىرگى كەزەڭىندە ءبىزدىڭ وندىرۋشىلەردە جاڭا نارىقتارعا قول جەتكىزۋ مۇمكىندىگى بار. سونىمەن بىرگە ساۋدا مينيسترلىگى كاسىپكەرلەرگە بارىنشا كومەك كورسەتۋدە. ياعني، قولدانىستاعى باعىتتار بويىنشا لوگيستيكادا (شەكارالىق شەكتەۋلەردى ەسكەرە وتىرىپ) كومەك كورسەتۋ، سونداي-اق جاڭا نارىقتى يگەرۋ كوزدەلگەن. ءبىزدىڭ ەكسپورتتىق تاۋارلاردىڭ وزىندىك قۇنىن تومەندەتۋ ماقساتىندا دايىن ءونىمدى تاسىمالداۋ جونىندەگى شىعىنداردىڭ 50% - نا دەيىن وتەلەدى، ̶  دەدى ول.

ونىڭ ايتۋىنشا، ورتاڭعى كومپانيالاردى قولداۋ ماقساتىندا ەكسپورتتىق اكسەلەراتسيا باعدارلاماسى ىسكە قوسىلدى. ول كاسىپكەرلەرگە ەكسپورتتىق ماسەلەلەردە كونسۋلتاتسيالار عانا ەمەس، ءالسىز جانە كۇشتى جاقتاردى تەرەڭ تالداۋ، ساراپتامالىق باعالاۋ جانە ەكسپورتقا شىققانعا دەيىن تولىق سۇيەمەلدەۋدى تەگىن نەگىزدە الۋعا مۇمكىندىك بەرەدى.  جالپى العاندا ەكسپورتتاۋشىلاردى قولداۋ ساياساتى بۇگىنگى كۇنى توقتاتىلعان جوق.

سوڭعى جاڭالىقتار

ۇقساس جاڭالىقتار