كوروناۆيرۋس • 06 ءساۋىر، 2020

بولات وتەمۇراتوۆ قورى تاعى 200 ميلليون تەڭگە ءبولدى

20 رەتكورسەتىلدى

بولات وتەمۇراتوۆ قورى نۇر-سۇلتان مەن الماتى قالالىق دەنساۋلىق ساقتاۋ باسقارمالارىنا كوروناۆيرۋسقا قارسى 47 مىڭنان استام ەكسپرەسس-تەستتىڭ جيىنتىعىن تابىستادى. قايىرىمدىلىق ۇيىمى جوبانى ىسكە اسىرۋعا 200 ميلليون تەڭگە ءبولدى.

كاپيلليارلىق قان ەكسپرەسس-تەستتەرى 15 مينۋتتىڭ ىشىندە COVID-19 كوروناۆيرۋسقا IgG جانە IgM انتيدەنەلەرىنىڭ ورىن العانىن انىقتايدى. قحر وندىرىلگەن تەستتەر ەۋروپا پارلامەنتى مەن ەۋروپا كەڭەسىنىڭ 98/79/ەك مەديتسينالىق دياگنوستيكا قۇرالدارى جونىندەگى ديرەكتيۆاسىنىڭ قاعيدالارىنا سايكەس جانە الماتىداعى ورتالىق رەفەرەنس-لابوراتورياسىندا تەكسەرۋدەن ءوتتى. ول ەۋروپالىق كەيبىر ەلدەردە حالىقتى تەكسەرۋ بارىسىندا بولعان ساپاسىز تەستتەردى قولدانۋدى بولدىرماۋ ءۇشىن قاجەتتى شارت.

قر دەنساۋلىق ساقتاۋ مينيسترلىگىنىڭ شەشىمى بويىنشا، تەگىن سكرينينگتىك تەستىلەۋ تاۋەكەلدىك توپتارىنداعى حالىقتىڭ اراسىندا وتكىزىلەدى. وندايلارعا مەديتسينالىق جۇمىسكەرلەر مەن قۇقىق قورعاۋ ورگاندارىنىڭ قىزمەتكەرلەرى، تۇماۋ سيمپتومدارى بار ادامدار، سوزىلمالى اۋرۋى بار ستاتسيونارلاردىڭ پاتسيەنتتەرى، جۇقتىرعان اداممەن كونتاكتتا بولعان، نە بولماسا جۇقپا وشاعىندا تۇرىپ جاتقان، سونداي-اق ءاۆتووتۋ پۋنكتتەرى ارقىلى شەتەلدەن كەلەتىن ادامدار جاتادى. ەكسپرەسس-تەستىلەۋ مەديتسينالىق جاردەم ستانسالارىندا، ستاتسيونارلاردا، شەكارالىق تەمىر جول جانە اۆتوموبيل كولىك وتكەلدەر مەن بلوك-بەكەتتەردە، ءموبيلدى بەكەتتەردە، جەدەل جاردەم كولەكتەرىندە جاسالادى. تەگىن تەستىلەۋگە تىركەلۋ ءۇشىن https://formcovid.eisz.kz/index.html سايتىنداعى انكەتا تولتىرۋ قاجەت.

«اۋرۋ جۇقتىرعانداردى ولاردىڭ دەنساۋلىعى مەن اينالاسىنداعى ادامداردىڭ دەنساۋلىعى ءۇشىن ەرتە انىقتاعان اسا ماڭىزدى شارا بولىپ تابىلادى. مۇنى ەپيدەميانىڭ شىرقاۋ شىڭىن باستان وتكەرگەن ەلدەردىڭ تاجىريبەسى كورسەتەدى. ۋاقىتىلى قابىلدانعان شارالار ينفەكتسيانىڭ تارالۋىن شەكتەۋگە، اۋرۋعا شالدىققان ادامداردىڭ سانىن تومەندەتۋگە جانە ولىمگە اكەلىپ سوعاتىن جاعدايلاردىڭ سانىن بارىنشا ازايتۋعا مۇمكىندىك بەرەدى»، - دەپ اتاپ ءوتتى بولات وتەمۇراتوۆ قورىنىڭ ديرەكتورى مارات ايتماعامبەتوۆ.

ايتا كەتۋ كەرەك، بولات وتەمۇراتوۆ بۇعان دەيىن كوروناۆيرۋستىڭ تارالۋىنا قارسى كۇرەسۋ جانە حالىقتىڭ الەۋمەتتىك وسال توپتارىنا قولداۋ كورسەتۋ ماقساتىمەن قۇرىلعان «Birgemiz» قوعامدىق قورىنا قوسىمشا 1 ميلليون اقش دوللارىن بولگەن بولاتىن.

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار