ايماقتار • 06 ءساۋىر، 2020

«ستوپ-كوروناۆيرۋس» ونلاين-بايقاۋىنا 141 ءوتىنىم ءتۇستى

26 رەتكورسەتىلدى

كوروناۆيرۋس پاندەمياسىنىڭ تارالۋىنىڭ الدىن الۋعا باعىتتالعان ءتيىمدى شەشىمدەردى ىزدەۋ ماقساتىندا «عىلىم قورى» اق اعىمداعى جىلدىڭ 23 ناۋرىزىندا «ستوپ-كوروناۆيرۋس» ونلاين-بايقاۋىن جاريالاعان بولاتىن.

بايقاۋعا قاتىسۋعا عالىمدار، دوكتورانتتار، ستۋدەنتتەر، كاسىپكەرلەر، ستارتاپەرلەر، سونداي-اق كوروناۆيرۋسقا قارسى كۇرەسۋدە بىرەگەي يدەيالارى بار بارلىق نيەت بىلدىرگەن قازاقستاندىقتار شاقىرىلدى.

3 ساۋىردە وتىنىمدەردى قابىلداۋ اياقتالدى. بايقاۋ قورجىنىنا ەلىمىزدىڭ ءار ايماعىنان 141 ءوتىنىم ءتۇستى.

«بايقاۋدى ۇيىمداستىرۋشىلار رەتىندە ءبىز بايقاۋدىڭ جوعارى قىزىعۋشىلىق تۋدىرعانىنا قۋانىشتىمىز. بۇل ءبىزدىڭ قوعامىمىزدىڭ بەلسەندى ازاماتتىق ۇستانىمىن جانە قازاكستانداردىقتىن پاندەمياعا قارسى كۇرەستە مەملەكەتكە كومەك كورسەتۋ نيەتىن كورسەتەدى» – دەپ اتاپ ءوتتى «عىلىم قورى» اق باسشىسى ارىن ورساريەۆ.

بۇل بايقاۋعا جەكە تۇلعالارمەن قاتار 12 جوو،14 عزي، سونداي-اق ءتۇرلى ۇيىمداردىڭ وكىلدەرى قاتىستى. بايقاۋدىڭ ەڭ جاس قاتىسۋشىسى 19 جاستا، اعا قاتىسۋشىسى 87 جاستا، 44% (62 ءوتىنىم) استامى 40 جاسقا دەيىنگى قاتىسۋشىلار.

جوبالىق ۇسىنىستار مىناداي باعىتتار بويىنشا ءبولىندى: كوروناۆيرۋستىڭ الدىن الۋ (40)، كوروناۆيرۋستى ەمدەۋدىڭ نەگىزگى تاسىلدەرى، ەمدەۋدە قولدانىلاتىن جاڭا ونىمدەر مەن قۇرالدار (51)، كوروناۆيرۋستىڭ تارالۋىنىڭ الدىن الۋ شارالارىن ۇيىمداستىرۋ (24)، كوروناۆيرۋستىڭ تارالۋ سالدارىن ەڭسەرۋ شارالارى (26 ءوتىنىم).

ەڭ كوپ وتىنىمدەر سانى الماتىدان -75 جانە نۇر-سۇلتاننان - 33 كەلىپ ءتۇستى. وڭىرلەر اراسىندا قاراعاندى وبلىسى – 8 ءوتىنىم، اتىراۋ، وسكەمەن جانە جامبىل وبلىسى 4 وتىنىمنەن ۇسىنىپ بەلسەندىلىك تانىتتى.

ۇسىنىلعان جوبالار مەن يدەيالار نەگىزىندە بايقاۋ كوميسسياسى الداعى كۇندەرى وتىنىمدەردى الدىن الا ىرىكتەۋدەن وتكىزەدى. كەلەسى كەزەڭدە وتكەن قاتىسۋشىلار وزدەرىنىڭ جوبالارىن ونلاين رەجيمدە تانىمال فەيسبۋك جەلىسى بازاسىندا قورعايتىن بولادى. بۇل شارالار بايقاۋ جەڭىمپازدارىن انىقتاۋ كەزىندە (اعىمداعى جىلدىڭ 16 ساۋىرىنە دەيىن) بارىنشا اشىقتىق پەن وبەكتيۆتىلىكتى قامتاماسىز ەتەدى.

بايقاۋ قورىتىندىسى بويىنشا ىرىكتەلگەن جوبالار ۇكىمەتتىڭ، سونداي-اق مۇددەلى ينۆەستورلاردىڭ قاراۋىنا جىبەرىلەدى.

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار