ايماقتار • 06 ءساۋىر، 2020

پاۆلودار وبلىسىندا 800 ميلليون تەڭگەگە جۋىق سۋبسيديا بەرىلمەگەن

42 رەتكورسەتىلدى

وڭىردەگى ەرتىس اۋدانىندا كوكتەمگى ەگىس جۇمىستارىنا دايىندىق باستالدى.

اۋداننىڭ اۋىل شارۋاشىلىعى، كاسىپكەرلىك جانە ۆەتەريناريا ءبولىمىنىڭ باسشىسى ەركىن ەسكەندىروۆتىڭ مالىمەتىنشە، بيىل  اۋداندا ەگىس القابى 278،64 مىڭ گەكتار بولسا، 185،3  مىڭ گەكتارعا استىق داقىلدارى ەگىلەدى. ونىڭ 150،5 مىڭ گەكتارى–بيداي.

مايلى داقىلدار 23،2 مىڭ گەكتارعا، جەم ازىعى 69،8 مىڭ گەكتارعا تەڭ. جوسپارعا ساي، 80 مىڭ گەكتار القاپتا قار توقتاتۋ جۇمىستارى جۇرگىزىلدى. اۋدان بويىنشا 30،7 مىڭ تۇقىم ازىرلەنگەن. بيىل اۋدان شارۋالارى 848،5 ميلليون تەڭگەگە 19 جاڭا تەحنيكا ساتىپ الدى. ياعني، كوكتەمگى ەگىس جۇمىستارىنا تەحنيكا پاركى دايىن. اۋدانعا 3865 توننا ارزانداتىلعان جانار-جاعارماي ءبولىندى

ال اۋدانداعى «ورازباەۆ» شارۋا قوجالىعىنىڭ باسشىسى سايلاۋ ورازباەۆتىڭ ايتۋىنشا، بيىل شارۋاشىلىقتىڭ ەگىس القابى 25 مىڭ گەكتار.

- قازىر 250 گەكتار القاپتا سۋارمالى جۇيە جوباسىنىڭ جۇمىستارى جۇرگىزىلۋدە. قوسىمشا 400 گەكتار القاپتى دا سۋارمالى القاپقا اينالدىرۋ جوباسى دا ازىرلەنۋدە،-دەيدى س.ورازباەۆ.

شارۋاشىلىقتا جىل سايىن بيداي، ارپا، تارى، كۇنباعىس، قاراقۇمىق ەگىلەدى.  جىل سايىن ەليتالى جانە 1 رەپرودۋكتسيالى تۇقىمدار عانا سەبىلەدى. جەرگىلىكتى عالىمدار ۇسىنعان «يۋبيلەينايا» تۇقىمى قولدانىستا.  مەملەكەتتىك باعدارلامالار شەڭبەرىندە تەحنيكا پاركى دە جاڭارتىلۋدا. بۇگىندە «قازاگروقارجى» اق ارقىلى «John Deere» كومپانياسىنىڭ كومباينىن ساتىپ الۋعا ءوتىنىش بەرىلگەن.

سايلاۋ ورازباەۆتىڭ ايتۋىنشا، شارۋالاردى كوبىنە سۋبسيديا ماسەلەسى الاڭداتادى. مىسالى، بىلتىر وڭىردە گەربيتسيد، مينەرالدىق تىڭايتقىش جانە تۇقىم بويىنشا بەرىلەتىن 800 ميلليون تەڭگەگە جۋىق قاراجات تولەنبەگەن.

قازىر ءار اۋداندا شارۋالارعا قارجى ۇلەستىرۋگە جاۋاپتى نەسيەلىك سەرىكتەستىكتەر دە بار. ولاردىڭ ارقايسىسىنا كوكتەمگى ەگىس جۇمىستارىن قولداۋ ماقساتىندا وبلىستىق اۋىل شارۋاشىلىعى باسقارماسىنان 300 ميلليون تەڭگە بولىنگەن.

پاۆلودار وبلىسى،

ەرتىس اۋدانى

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار