ايماقتار • 06 ءساۋىر، 2020

سقو تۇرعىنى پاۆلودار وبلىسىنا بلوك-پوستتى اينالىپ وتپەك بولعان

20 رەتكورسەتىلدى

قۇقىقبۇزۋشى ەر ادام تۇتقىندالدى دەپ حابارلايدى pavlodarnews.kz.

سولتۇستىك قازاقستان وبلىسىنىڭ تۇرعىنى پوليتسەيلەردىڭ تالاپتارىن ەلەمەستەن بلوك-پوستى اينالىپ ءوتىپ، پاۆلودار وبلىسىنىڭ شەكاراسىن زاڭسىز كەسىپ وتپەكشى بولعان.

- 30 جاستاعى ەر ادام اقمولا وبلىسىنان «پاۆلودار-قاراعاندى» تاس جولىنداعى بلوك-پوستقا دەيىن جولاي كەلىپ، وندا باسقا وبلىس تۇرعىندارىنىڭ كىرۋىنە تىيىم سالىنعانىن كورەدى،-دەدى وبلىستىق پوليتسيا دەپارتامەنتىندە. – كەيىن ول پاۆلودار ايماعىنىڭ اۋماعىنا زاڭسىز جۇگىرىپ وتەدى. ءوڭىر اۋماعىنا ەرەكشە كىرۋ ءتارتىبىن بۇزعانى ءۇشىن سقو تۇرعىنىنا قاتىستى قر اقبك 476-بابى بويىنشا اكىمشىلىك ءىس قوزعالدى. سوت قاۋلىسىمەن ەر ادام 10 تاۋلىككە قاماۋعا الىندى.

پوليتسيا دەپارتامەنتى ءبىر تاۋلىك ىشىندە بلوك-پوستتار ارقىلى وبلىسقا 25 اۆتوكولىكتى وتكىزىلمەگەنىن اتاپ ءوتتى. 1 ساۋىردەن باستاپ توعىز بەكەتتە 130 ماشينا كەيىن قايتارىلدى.

بلوك-پوستتار تاۋلىك بويى 1 ءساۋىر ساعات 00:00-دەن باستاپ جۇمىس ىستەيد جانە پاۆلودار وبلىسىنىڭ بارلىق باعىتتارى بويىنشا قويىلعان.

پوليتسيا قىزمەتكەرلەرى تالاپتاردى ورىنداماعانى جانە توتەنشە جاعداي رەجيمىن بۇزعانى ءۇشىن 10 اەك ايىپپۇل نەمەسە 15 تاۋلىككە دەيىن اكىمشىلىك قاماۋ قاۋپىن توندىرەتىنىن ەسكەرتەدى. ايتا كەتەرلىگى، بۇگىنگى كۇنى وبلىس بويىنشا قر اقبك 476-بابىن بۇزىلعان 144 وقيعا تىركەلدى.

 

پاۆلودار وبلىسى

 

 

سوڭعى جاڭالىقتار

ۇقساس جاڭالىقتار