ايماقتار • 06 ءساۋىر، 2020

كارانتين كەزىندە تۇركىستاندا ۇزىن-سونار كەزەك

150 رەت كورسەتىلدى

كوروناۆيرۋس كەڭ تاراماۋى ءۇشىن بارلىق قام جاسالۋدا. كوپتەگەن قالالار كارانتينگە جابىلدى. كوشەدە ادامداردىڭ دا قاراسى از. تۇرعىندار دۇكەن مەن دارىحاناعا عانا بارا الادى. مۇنىڭ ءبارى ەل تۇرعىندارىنىڭ قاۋىپسىزدىگى ءۇشىن جاسالىپ وتىر.

ەندى بيلىك ورگاندارى ءبىر جاعىنان ادامداردىڭ توپتالماۋىن بارىنشا قاتاڭ قاداعالاپ وتىرسا، ەكىنشى جاعىنان ەل تۇرعىندارىنىڭ ءبىر ساتتە ءبىر مەكەمەگە جينالىپ، ىعى-جىعى كەزەكتە تۇرۋىنا وزدەرى ءماجبۇر ەتىپ وتىر. تاڭەرتەڭنەن بەرى «ەگەمەن قازاقستان» گازەتىنىڭ تىلشىلەرىنە جان-جاقتان قوڭىراۋلار تۇسۋدە. تۇركىستان وبلىسى، سارىاعاش قالاسىنان 66 جاستاعى اپا تەلەفون شالدى. «سارىاعاشتىڭ ورتالىعىنداعى پوشتانىڭ الدى ىعى-جىعى حالىق. مەملەكەت تاراپىنان بەرىلەتىن 42 500 تەڭگە تولەمدى الامىز دەگەندەر ۇزاق-سونار كەزەككە تۇرعان. جاسى ۇلكەن كىسىلەر زەينەتاقىسىن الا الماي قينالۋدا. ەشكىم كەزەك بەرمەيدى. باسىندا «زەينەتاقىنى ۇيگە اكەپ بەرەدى» دەگەن بولاتىن. بىراق، اكەپ بەرىپ جاتقان پوشتاشىنى كورمەدىك. اقپارات قۇرالدارىندا كوشەدە ءۇش ادامنان ارتىق ادامنىڭ باسى قوسىلماسىن دەپ جاتىر. مىناۋ نە دەگەن سۇمدىق؟ عيمارات اۋزى-مۇرنىنان شىعىپ جاتىر. قۇجىناعان حالىق. ىندەت وسىندايدان تارايدى ەمەس پە؟ ونسىز دا وبلىسىمىزدا ىندەتكە شالدىققانداردىڭ ءسات سايىن كوبەيىپ بارا جاتقانى جۇرەكتى شوشىتىپ تۇر» دەپ كۇيىنەدى اپا.

شىنىندا ءدال قازىر تۇركىستان وبلىسىندا كوروناۆيرۋستى جۇقتىرعانداردىڭ سانى 28-گە جەتتى. كيەلى ءوڭىر بۇل جاعىنان كەشەگە دەيىن تىپ-تىنىش بولىپ كەلدى دە، 31-ناۋرىز كۇنى ءبىر ادام انىقتالىپ ەدى، ءبىر اپتانىڭ ىشىندە وسى اۋرۋدى جۇقتىرعان وتىزعا جۋىق ادام بەلگىلى بولدى. ءتىپتى، ادام ءولىمى دە تىركەلدى. تۇركىستان – حالقىنىڭ كوپتىگىمەن دە ەرەكشەلەنەتىن وبلىس. ونىڭ ىشىندە سارىاعاش حالىق كوپ قونىستانعان اۋدان. سوندىقتان بولار وسى اپتادا كارانتينگە جابىلدى.

ەندەشە قاۋىپسىزدىك شارالارى قايدا قالدى؟ وسىناۋ ىعى-جىعى كەزەك مەملەكەتتىڭ بۇكىل ەڭبەگىنىڭ ءبارىن ەش قىلماي ما؟ ارينە، بۇل ماسەلە ەل تۇرعىندارىنىڭ وزدەرىنە دە بايلانىستى ەكەنى بەلگىلى. بىراق، سانانى تۇرمىس بيلەگەن زاماندا جاڭا تولەمدى الما، كەزەككە تۇرما دەپ حالىقتى قالاي ۇستاپ تۇراسىڭ؟ وسىنى كورىپ وتىرعان جەرگىلىكتى بيلىك ءبىر قام جاساۋى كەرەك ەمەس پە؟ نەگە زەينەتاقىنى ۇيگە جەتكىزىپ بەرمەسكە؟ نەگە جاڭا تولەمدى الۋدىڭ نەمەسە سوعان قۇجات دايىنداۋدىڭ باسقا دا جولدارىن قاراستىرماسقا؟

ءدال وسىنداي جاعدايمەن قازىعۇرت اۋدانىنان، جامبىل وبلىسىنىڭ تاراز قالاسىنان، شۋ اۋدانىنان دا تۇرعىندار حابارلاستى. قالاي ايتساق تا، بۇل جاعداي جەرگىلىكتى بيلىكتىڭ دە، جەرگىلىكتى حالىقتىڭ دا وسىناۋ ىندەتتىڭ قاۋپىن ءالى دە دۇرىس سەزىنبەي وتىرعانىن بايقاتسا كەرەك. بۇل دەگەنىمىز ىندەتتىڭ وشاعىن ءوز قولىمىزبەن جاساپ وتىرعانىمىز ەمەس پە؟ ال، وسىدان كەيىن جەرگىلىكتى بيلىكتەن «ىندەتپەن قالاي كۇرەسىپ جاتىرسىزدار؟» دەپ سۇراپ كورىڭىز.

سوڭعى جاڭالىقتار

بۇعىنىڭ مۇيىزدەرى ۇرلانعان

ايماقتار • بۇگىن، 11:38

سالاعا دەم بەرگەن جان

ەكونوميكا • بۇگىن، 10:01

الماتىدا جەر سىلكىندى

ايماقتار • بۇگىن، 09:23

تاتيانانىڭ ءتاتتى جىميىسى

رۋحانيات • بۇگىن، 08:39

اسپانداعى اردانا

قوعام • بۇگىن، 08:39

سۋپەركۋبوك كىمگە بۇيىرادى؟

سپورت • بۇگىن، 08:35

ءسوز سويىل №101

قوعام • بۇگىن، 08:23

قاعيداتى – قاراپايىمدىلىق

قوعام • بۇگىن، 08:17

نازىك تە ەرجۇرەك ارۋلار

قوعام • بۇگىن، 08:16

«التىن القالى» ايىم

ايماقتار • بۇگىن، 08:14

ولەڭدەر توپتاماسى

رۋحانيات • بۇگىن، 08:09

جۇرت ىزدەگەن جىبەك

ايماقتار • بۇگىن، 08:06

ءۇمىت شوعىن مازداتقان

قوعام • بۇگىن، 08:05

بيىكتەن قارايتىن ءبيبى

قوعام • بۇگىن، 08:04

مەيىرىم

رۋحانيات • بۇگىن، 08:02

بىلىكتى باسشى، ءبىلىمدى مامان

ايماقتار • بۇگىن، 08:01

تاعىلىمى تەرەڭ كاسىپ يەسى

رۋحانيات • بۇگىن، 07:54

عىلىم الەمىن ارلەگەندەر

رۋحانيات • بۇگىن، 07:51

رۋحاني تاۋەلسىزدىك باستاۋى

رۋحانيات • بۇگىن، 07:46

باقىتىن «بايان سۇلۋدان» تاپقان

ايماقتار • بۇگىن، 07:44

ۇقساس جاڭالىقتار