ايماقتار • 06 ءساۋىر، 2020

قىتايدان اقتوبەگە گۋمانيتارلىق كومەك كەلدى

55 رەتكورسەتىلدى

بۇگىنگى تاڭدا پاندەميا الەم ەلدەرىنە قانشا جەردەن اۋىر شەڭگەلىن سالعانىمەن، مەملەكەتتەر اراسىنداعى ءبىر-بىرىنە قولداۋ كورسەتۋگە قاتىستى كەلىسىمدەردىڭ تامىرى تارتىلماق ەمەس. وسىناۋ سىني شاقتا ەلىمىزدەگى جەكەلەگەن ءوڭىر باسشىلارى ىرگەلى مەملەكەتتەردىڭ ءوز رەسپۋبليكامىزداعى ەلشىلىكتەرىمەن تىكەلەي كەلىسىم نەگىزىندە ەل-جۇرتقا پايداسى تيەتىن ىستەرگە باستاماشى بولۋدا.

وسىنداي باعىتتاعى ءوزارا كەلىسىم بۇعان دەيىن اقتوبە وبلىسىنىڭ اكىمى وڭداسىن ورازالين مەن قازاقستان رەسپۋبليكاسىنىڭ قحر ەلشىلىگى اراسىندا جاسالعان بولاتىن. مۇنىڭ ءوڭىر باسشىسى رەسپۋبليكا پرەزيدەنتى قاسىم-جومارت توقاەۆتىڭ تىكەلەي قولداۋى ارقاسىندا تىڭدىرىلعان يگىلىكتى ءىس دەپ ەسەپتەيدى.

مىنە، وسى كەلىسىمگە وراي كەشە اقتوبەگە قىتايدىڭ شىڭجان-ۇيعىر اۆتونوميالىق اۋدانى مەن شاندۋن وڭىرىنەن گۋمانيتارلىق كومەك جەتكىزىلدى. ونىڭ باستى ەرەكشەلىگى پاندەميا ىندەتىنەن قورعانۋعا قاتىستى قۇرال-جابدىقتار، سونىڭ ىشىندە مەديتسينالىق بەتپەردەلەر مەن ارنايى قورعانىش كيىمدەرى ەكەندىگى.

- قازىر بۇكىل الەم ءداستۇرلى ەم مەن بۇگىنگى زاماناۋي تەحنولوگيانى ۇشتاستىرا قولداۋ ارقىلى پاندەميا ىندەتىن اۋىزدىقتاي بىلگەن قىتاي مەديتسينا جەتىستىگىنە ءتانتى بولۋدا. كوروناۆيرۋس ىندەتى قىتاي مەملەكەتى مەن ونىڭ حالقىنا اۋىر سالماق ءتۇسىردى. سوعان قاراماستان رەسپۋبليكامىزدىڭ قىتايداعى ەلشىلىگى ارقىلى اقتوبە وبلىسىنا قولۇشىن سوزۋدى قاجەت تاپقان كۇنشىعىس ەلىندەگى بيلىك وكىلدەرىنە العىسىمىز شەكسىز. كورشى مەملەكەتتەن جەتكىزىلگەن گۋمانيتارلىق كومەك اقتوبە قالالىق اكىمدىگى مەن وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ارقىلى مۇقتاج ازاماتتارعا تاراتىلادى، - دەدى بۇل جونىندە egemen.kz تىلشىسىنە اقتوبە وبلىسىنىڭ اكىمى و.س.ورازالين.

 

 

 

 

        

 

                                                                                  

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار