ايماقتار • 06 ءساۋىر، 2020

شىمكەنت: مۇرات ايتەنوۆ اۋدان اكىمدەرى جانە باسقارما باسشىلارىمەن ءماجىلىس وتكىزدى

84 رەتكورسەتىلدى

بۇگىن شىمكەنت قالاسىنىڭ اكىمى مۇرات ايتەنوۆ اۋدان اكىمدەرى جانە باسقارما باسشىلارىمەن قاشىقتىقتان ءماجىلىس وتكىزدى.
 

جيىندا كارانتيندىك رەجيمنىڭ ساقتالۋى جانە جۇمىسپەن قامتۋ جايى قارالىپ، شاھار اۋماعىنداعى ءىرى 4 كوتەرمە بازار مەن بلوك بەكەتتەردەگى ساقتىق شارالارىن كۇشەيتۋ جايى تالقىلاندى.
 
اۋدانداردا ءجۇرىپ جاتقان زالالسىزداندىرۋ جانە ءموبيلدى توپتاردىڭ اتقارعان جۇمىستارى سارالانىپ، جاۋاپتىلارعا ءتۇسىندىرۋ جۇمىستارىن شيراتۋ جۇكتەلدى.
 
بۇگىندە شىمكەنتتە 300 مىڭنان استام ازامات مەملەكەت تاراپىنان بەرىلەتىن ءتۇرلى تولەمدەردى (زەينەتاقى، جاردەماقى، الەۋمەتتىك تولەم جانە ت.ب.) الادى. اتالعان تولەمدەر تۇسكەندە قالاداعى بانكوماتتار الدىندا ۇنەمى ۇزىن-سونار كەزەك قالىپتاسادى. بۇل جاعداي ىندەتتىڭ تارالۋىنا وتە ىڭعايلى. سوندىقتان قالاداعى بازارلار مەن ساۋدا ورىندارى، دۇكەندەر مەن ءدارىحانالاردا پوستتەرمينال ورناتۋ بويىنشا ءتۇسىندىرۋ جۇمىستارىن جۇرگىزىپ، ونىڭ قاۋىپسىزدىك ماقساتتا قولعا الىنعانىن ۇعىندىرۋ، ەرىكتىلەر كومەگىمەن بانكوماتتار الدىندا كەزەكتە تۇرعاندارعا بانكتىك كارتاعا ءوتۋ بويىنشا كەڭەستەر بەرۋدى ۇيىمداستىرۋ اۋدان اكىمدەرى مەن سالالىق باسقارما باسشىلارىنا تاپسىرىلدى.
 
ەڭ باستىسى تۇرعىندار اراسىندا قولما-قول اقشاسىز كارتا كومەگىمەن ەسەپ ايىرىسۋدىڭ پايدالى ءارى قاۋىپسىز ەكەندىگىن ءتۇسىندىرۋ جاۋاپتىلارعا مىندەتتەلىپ، قالا شەتىندە ورنالاسقان تۇرىن الاپتارعا ينتەرنەت جەلىسىن تارتۋ نەمەسە تەلەفون ارقىلى تولەم جاساۋ تەتىگىن قاراستىرۋ جايى جان-جاقتى ءسوز بولدى.
 
قالا اكىمى م.ايتەنوۆ كۇن سايىن تاڭعى 09.00-دە باسشىلاردىڭ قاتىسۋىمەن قاشىقتىقتان وتەتىن ماجىلىستە اتقارىلعان جۇمىستار تالدانىپ، كەشكى 20.00-دەگى جيىندا الدا اتقارىلاتىن ءىس-شارالار قارالاتىنىن جەتكىزدى.
 
شىمكەنت
سوڭعى جاڭالىقتار

نۇكتە فيلوسوفياسى

رۋحانيات • بۇگىن، 20:23

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار