ايماقتار • 06 ءساۋىر، 2020

الماتى وبلىسى: كوروناۆيرۋستان ەمدەلىپ جاتقان 10 ادامنىڭ جاعدايى تۇراقتى

127 رەتكورسەتىلدى

ءمالىم بولعان دەرەك بويىنشا قازىر الماتى وبلىسىندا كوروناۆيرۋس دياگنوزى انىقتالعان 10 ادام بار. ونىڭ ىشىندە سەگىز ناۋقاس قاراساي اۋدانىنداعى جۇقپالى اۋرۋلار ورتالىعىندا وقشاۋلانعان.

- قاراساي اۋداندىق ينفەكتسيالىق اۋرۋحاناسىندا 8 ناۋقاس كوروناۆيرۋس دياگنوزىمەن ەم قابىلداپ جاتىر. بۇگىنگى تەكسەرۋلەردىڭ ناتيجەسى بويىنشا ناۋقاستاردىڭ جاعدايى قاناعاتتانارلىق. شاعىمدارى جوق. دەنە قىزۋى بىرقالىپتى، - دەپ جاۋاپ بەردى ناۋقاستاردىڭ جاي-كۇيى جايىندا قويعان ءبىزدىڭ ساۋالىمىزعا وبلىس اكىمىنىڭ ءباسپاسوز حاتشىسى عالىمۇرات جۇكەل.

سونداي-اق، ەڭبەكشىقازاق اۋدانىنداعى ورتالىق اۋرۋحاندا ءبىر ناۋقاس كوروناۆيرۋس دياگنوزى بويىنشا ەم قابىلداۋدا ەكەن. ونىڭ دا دەنساۋلىعى قاناعاتتانارلىق. ال وبلىستاعى ىندەت جۇقتىرعاندار تىزىمىندەگى تاعى ءبىر تۇرعىن الماتى قالاسىنداعى ينفەكتسيالىق اۋرۋحاناعا ورنالاستىرىلعان. قازىر ناۋقاستىڭ جاعدايى وڭالىپ كەلەدى ەكەن.

ايتپاقشى، ايماقتاعى جۇقپالى ىندەت بەلگىسى انىقتالعان 1995 جىلى تۋعان ازاماتشانىڭ اياعى اۋىر بولعانى جايىندا بۇعان دەيىن حابارلاعان ول قاراساي اۋدانىنىڭ تۇرعىنى. ۆيرۋس انىقتالعان كەزدە جۇكتىلىكتىڭ 21-22 اپتاسىندا بولعان. قازىر جۇكتى ايەل دارىگەرلەردىڭ رەكشە باقىلاۋىندا ەكەن. ءوزىن جاقسى سەزىنەدى. بۇگىنگى تەكسەرۋ قورتىندىسى بويىنشا ناۋقاستىڭ دەنە قىزۋى - 36.6 گرادۋس بولعان، ال قان قىسىمى 110/80 كورسەتكىشىندە تۇر.

 

الماتى وبلىسى

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار