كوروناۆيرۋس • 06 ءساۋىر، 2020

الەمدەگى احۋالعا شولۋ: يسپانيادا ءولىم سانى تورتىنشى كۇن قاتارىنان ازايىپ كەلەدى

143 رەتكورسەتىلدى

بۇل توپتامادا الەمنىڭ 183 ەلىندە تاراعان Covid-19 ۆيرۋسىنا قاتىستى سوڭعى جاڭالىقتاردى جاريالاپ وتىرامىز.

6 ساۋىردە Johns Hopkins University (JHU) ۇسىنعان مالىمەت بويىنشا ۆيرۋس جۇقتىرعاندار سانى - 1 274 923ء ولىم سانى - 69 479، ايىققاندار سانى - 260 247 ادام بولدى (جاڭارتىلعان ۋاقىتى 09:32).

16:10

يسپانيادا ءولىم ءسانى تورتىنشى كۇن قاتارىنان ازايىپ كەلەدى

يسپانيادا ءبىر تاۋلىكتەگى ءولىم سانى ءتورتىنشى كۇن قاتارىنان تومەن كورسەتكىش كورسەتتى. بۇل ەلدەگى ءورشىپ تۇرعان ىندەتتىڭ قارقىنى باسەڭدەگەنىن كورسەتكەندەي. 

دۇيسەنبى كۇنى 637 ادام قايتىس بولعان. بۇل - 24 ناۋرىزدان بەرگى ەڭ تومەنگى كورسەتكىش. ەلدە جالپى 13 055 ادام قايتىس بولعان.

دەنساۋلىق ساقتاۋ مينيسترلىگىنىڭ مالىمەتى بويىنشا يسپانيادا 135 032 ادام ۆيرۋس جۇقتىرعان.

ەلدە زارداپ شەككەندەردىڭ اراسىندا 10 دارىگەر، مەدبيكە جانە كومەكشى مەدبيكە بار. بارلىعى 15 مىڭنان استام مەديتسينا قىزمەتكەرى ۆيرۋس جۇقتىرعان.

ولار ىندەتپەن كۇرەستە قولدان جاسالعان قورعانىس قۇرالدارىنا جۇگىنۋگە ءماجبۇر بولعان.

ۆ


15:09

رەسەي فەدەراتسياسىندا ءبىر تاۋلىكتە تاعى 954 كوروناۆيرۋستى جۇقتىرعان ادام انىقتالدى، 2 ادام قايتىس بولىپ، 51 ادام اۋرۋدان ايىعىپ شىقتى.

رەسەيدىڭ 80 وڭىرىندە كوروناۆيرۋستى جۇقتىرعان 6 343 ادام تىركەلگەن. جالپى كەزەڭدە 47 ءولىم-ءجىتىم، 406 ادامنىڭ ەمدەلىپ شىققانى تىركەلگەن. 


12:38

وزبەكستاندا كوروناۆيرۋس جۇقتىرعانداردىڭ سانى 390 ادامعا جەتتى

وزبەكستاننىڭ دەنساۋلىق ساقتاۋ مينيسترلىگى ەلدە كوروناۆيرۋستى جۇقتىرعانداردىڭ سانى 390 ادامعا جەتتى. بۇگىنگى جاعداي بويىنشا رەسپۋبليكادا COVID-19 ىندەتىن جۇقتىرعان تاعى 48 ادام انىقتالعان. جاقىندا 5 ادام اۋرۋىنان ايىعىپ شىعىپ، وڭالتۋ ورتالىقتارىنا جىبەرىلدى. وسىلايشا، ەمدەلىپ، ساۋىعىپ شىققانداردىڭ سانى 30 ادامعا جەتتى.


11:30

بوريس دجونسون اۋرۋحاناعا جاتقىزىلدى

بوريس دجونسون ۆيرۋس انىقتالعان 10 كۇننەن بەرى ۇيىندە ەمدەلىپ جاتتى. الايدا ىندەت بەلگىلەرى قايتپاعان سوڭ، ونى اۋرۋحاناعا جاتقىزۋ تۋرالى شەشىم قابىلداعان. 

ول ۇكىمەتتەگى قىزمەتىن ءارى قاراي جالعاستىرا بەرەدى.

ۇلىبريتانيادا بارلىعى 48 440 ادام ۆيرۋس جۇقتىرعان، 4 943 ادام قايتىس بولعان، 229 ناۋقاس ساۋىققان.


09:45

قىتاي ۆيرۋس كوپ تاراعان بەستىكتەن شىعىپ قالدى

اقش پەن ەۋروپا ەلدەرى ىندەتتىڭ وشاعى بولعان قىتايدى ۆيرۋس جۇقتىرعاندار سانىنان ارتتا قالدىردى. 

 اقش - 337 620 جاعداي

 يسپانيا - 131 646 جاعداي

 يتاليا - 128 948 جاعداي

 گەرمانيا - 100 123 جاعداي

 فرانتسيا - 93 780 جاعداي


09:41

فرانتسيادا 93 مىڭ ادام كوروناۆيرۋس ينفەكتسياسىن جۇقتىرعان

8 مىڭنان استام ادام اۋرۋحانالار مەن قارتتار ۇيلەرىندە قايتىس بولدى. بيىلعى 4 ساۋىردە فرانتسيانىڭ اۋرۋحانالارى مەن مەديتسينالىق-الەۋمەتتىك مەكەمەلەرىندە 7 560 ادامنىڭ كوز جۇمعانى حابارلاندى. ءبىر تاۋلىك ىشىندە اۋرۋحانالاردا 357 ناۋقاس قايتىس بولدى. 2020 جىلعى 1 ناۋرىزدان باستاپ قارتتار ۇيلەرىندە 2 189 ادام كوز جۇمدى.

ەلدە ۆيرۋستى جۇقتىرعاندار سانى 93 780-گە جەتتى.


09:28

گەرمانيادا كوروناۆيرۋس جۇقتىرعاندار 100 مىڭنان استى

بۇل ەلدە بارلىعى COVID-19 ۆيرۋسىن جۇقتىرعان 100 123 ادام انىقتالدى. جالپى ءولىم-ءجىتىم سانى 1 584-گە جەتتى. ونىڭ ىشىندە سوڭعى تاۋلىكتە قايتىس بولعاندار سانى ‒ 106. سونىمەن قاتار، سوڭعى ۋاقىتتا 2 300 ناۋقاس اۋرۋدان ايىقتى. ساۋىعىپ شىققانداردىڭ جالپى سانى ‒ 28 700 ادام.


09:20

گايتيدە كوروناۆيرۋستان قايتىس بولعان العاشقى ادام تىركەلدى

اتالعان ەلدە COVID-19 كوروناۆيرۋس ينفەكتسياسىن جالپى 21 ادام جۇقتىرعان.


09:15

تۇركيادا كوروناۆيرۋس ينفەكتسياسىن جۇقتىرعان تاعى 3 135 ادام انىقتالدى

ەلدە جالپى 27 069 ادام ۆيرۋستى جۇقتىرعان. سوڭعى تاۋلىكتە 73 ادام قايتىس بولدى. جالپى كوز جۇمعانداردىڭ سانى — 574 ادام. ساۋىعىپ شىققاندار سانى — 1 042.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار