ايماقتار • 05 ءساۋىر، 2020

تاراز قالاسى كارانتينگە جابىلادى

228 رەتكورسەتىلدى

تاراز قالاسىنىڭ اۋماعىندا كوروناۆيرۋستىق ينفەكتسيا ىندەتىنىڭ جاڭا جاعدايلارىنىڭ تىركەلۋىنە بايلانىستى تاراز قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىمەن وبلىس ورتالىعىنىڭ اۋماعىندا اعىمداعى جىلدىڭ 7 ءساۋىر كۇنى ساعات 00:00-دەن باستاپ كارانتين رەجيمى ەنگىزىلەدى. بۇل تۋرالى تاراز قالالىق اكىمدىگى حابارلادى.

  7 ساۋىردەن باستاپ بارلىق اۆتوكولىك قۇرالدارىنىڭ جانە ازاماتتاردىڭ قالا اۋماعىنا كىرۋىنە جانە شىعۋىنا تىيىم سالىنادى. قالاىشىلىك قوعامدىق كولىكتەر ساعات 7:00-دەن 20:00-گە دەيىن قاتىنايتىن بولادى. ال، مەديتسينالىق قىزمەتكەرلەر جانە سانيتارلىق-ەپيدەميولوگيالىق قىزمەت ماماندارى، اۆاريالىق-قۇتقارۋ قىزمەتتەرىنىڭ، قۇقىق قورعاۋ ورگاندارىنىڭ قىزمەتكەرلەرى، ازىق-ت ۇلىك تاۋارلارىن، مەديتسينالىق بۇيىمدار مەن پرەپاراتتاردى، ءبىرىنشى كەزەكتە قاجەتتى تاۋارلاردى تاسىمالدايتىن اۆتوكولىك قۇرالدارى، تاراز قالاسىنىڭ جەدەل شتابى رۇقسات بەرگەن تۇلعالار مەن اۆتوكولىك قۇرالدارى، تۇرعىلىقتى جەرىنە ورالۋ ءۇشىن كەلەتىن نەمەسە كەتەتىن ادامدار جانە مەديتسينالىق كورسەتكىشتەر بويىنشا كەتەتىن جانە كەلەتىن ادامداردان باسقالارىنا تىيىم سالىنادى. سونىمەن قاتار، ادامداردىڭ جانە جەكە كولىكتىڭ تاراز قالاسىنىڭ اۋماعىندا ەركىن ءجۇرىپ-تۇرۋىنا تىيىم سالىنادى. سونداي-اق، جۇمىس ورنىنان انىقتاما بولعان جاعدايدا تۇرعىلىقتى جەرىنەن جۇمىس ورنىنا دەيىن جانە كەرى ءجۇرىپ-تۇرۋعا، ازىق-ت ۇلىك تاۋارلارىن، دارىلىك پرەپاراتتاردى جانە مەديتسينالىق بۇيىمداردى ساتىپ الۋعا، مەديتسينالىق كومەككە جۇگىنۋگە، مەملەكەتتىك جانە الەۋمەتتىك كومەك الۋ ماقساتىندا مەملەكەتتىك مەكەمەلەرگە بارۋعا، كۇتپەگەن توتەنشە جاعدايلار جانە ادامنىڭ ءومىرى مەن دەنساۋلىعىنا قاۋىپ توندىرەتىن باسقا دا جاعدايلار كەزىندە شىعۋعا بولادى.  بۇل رەتتە، تاراز قالاسىنىڭ اكىمدىگى وتباسى مۇشەلەرىن قوسپاعاندا، ادامداردىڭ 3 ادامنان ارتىق توپتاسۋىنا، سونداي-اق، كامەلەتكە تولماعانداردىڭ ەرەسەكتەردىڭ ەرىپ ءجۇرۋىنسىز ءجۇرىپ-تۇرۋىنا تىيىم سالىناتىنىن حابارلايدى. «جەكە تۇلعالاردىڭ ءجۇرىپ-تۇرۋى، ونىڭ ىشىندە كولىك قۇرالدارىن باسقارۋدى جەكە قورعانۋ قۇرالدارىن پايدالانۋ كەزىندە عانا جۇزەگە اسىرۋعا مىندەتتى. ازىق-ت ۇلىك سۋپەرماركەتتەرىن، ازىق-ت ۇلىك دۇكەندەرىن، ءدارىحانالاردى، ۆەتەريناريالىق ءدارىحانالاردى، ءبىرىنشى كەزەكتە قاجەتتى تاۋارلاردى ساتۋ پۋنكتتەرىن، اۋىل شارۋاشىلىعى تەحنيكاسىنا ارنالعان اۆتوبولشەكتەردى، اۋىل شارۋاشىلىعى جانۋارلارىنا ارنالعان جەم-شوپتەردى وتكىزۋلەردى قوسپاعاندا، ساۋدا-ويىن-ساۋىق ورتالىقتارىنىڭ، بازارلاردىڭ، بارلىق ازىق-ت ۇلىك ەمەس تاۋارلار ساۋدا نىساندارىنىڭ، اۆتوسالونداردىڭ، اۆتوقوسالقى بولشەكتەر ساتۋ سالوندارىنىڭ، گۇل پاۆيلوندارىنىڭ قىزمەتى توقتاتىلادى. بارلىق قىزمەت تۇرلەرىن كورسەتۋ ورىندارىنىڭ، ونىڭ ىشىندە بانك بولىمشەلەرى جانە لومباردتار، «قازپوچتا» اق بولىمشەلەرى، قوناقۇيلەر، سونداي-اق، دوڭگەلەك مونتاجداۋعا ارنالعان جەكە تۇرعان بوكستاردى (ەكىدەن كوپ ەمەس) قوسپاعاندا، تەحنيكالىق قىزمەت كورسەتۋ ستانتسيالارىنىڭ قىزمەتى، ءۇي-جايلارداعى بالالار ويىن الاڭدارىنىڭ، حايۋاناتتار پاركتەرىنىڭ، مۇز ايدىندارىنىڭ، كورمەلەردىڭ جانە قىزمەت كورسەتۋ سالاسىنداعى وزگە دە وسىعان ۇقساس نىسانداردىڭ جۇمىسى توقتاتىلادى»، دەلىنگەن حابارلامادا.

ال، مەيرامحانالارعا، دامحانالارعا، بارلارعا، اسحانالارعا جانە باسقا دا قوعامدىق تاماقتانۋ نىساندارىنا «تۇتىنۋشىلارعا جەتكىزىپ بەرۋ» رەجيمى بويىنشا ساعات 10:00-دەن 22:00-گە دەيىن جۇمىس ىستەۋگە رۇقسات ەتىلەدى. مەنشىك تۇرىنە قاراماستان، مەكتەپكە دەيىنگى بالالار مەكەمەلەرى مەن ءبىلىم بەرۋ، دايىندىق جانە دامىتۋ ورتالىقتارىنىڭ قىزمەتى توقتاتىلىپ، حالىقتىڭ جاپپاي جينالاتىن ورىندارىنا، ونىڭ ىشىندە ساياباقتارعا، سكۆەرلەرگە، جاعالاۋلارعا، الاڭدارعا، بالالاردىڭ ويىن الاڭدارىنا جانە قالا تۇرعىندارىنىڭ وزگە دە دەمالىس ورىندارىنا بارۋىنا تىيىم سالىنادى.

جامبىل وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار