ەلوردا • 05 ءساۋىر، 2020

كارانتين كەزىندە نۇر-سۇلتاندا جول-كولىك وقيعاسى 70% ازايدى

46 رەتكورسەتىلدى

ەلوردادا كارانتيندىك رەجيمدى بۇزعانى ءۇشىن 200-گە جۋىق اۆتوكولىك ارنايى كوممۋنالدىق تۇراقتارعا قويىلدى دەپ حابارلايدى نۇر-سۇلتان قالاسى اكىمدىگىنىڭ رەسمي سايتى.

قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي، كارانتين ەنگىزىلگەننەن بەرى نۇر-سۇلتاندا جكو 70%، جول قوزعالىسى ەرەجەلەرىن بۇزۋ 61% ازايىپ، كولىك قوزعالىسى 71% تومەندەگەن.

«تەك ءبىر اپتا ىشىندە 20 مىڭعا جۋىق جۇرگىزۋشى مەن 37 مىڭنان استام جاياۋ جۇرگىنشىمەن پروفيلاكتيكالىق اڭگىمەلەسۋ وتكىزىلدى. 200-گە جۋىق اۆتوكولىك ەرەجە بۇزعانى ءۇشىن مامانداندىرىلعان كوممۋنالدىق تۇراقتارعا قامالدى. پوليتسيا دەپارتامەنتىنىڭ اۋماقتىق بولىمشەلەرىنە ءبىر اپتا ىشىندە 589 ادام جەتكىزىلدى. ولاردىڭ 12-ءى قاماۋعا الىنىپ، 283-نە ايىپپۇل سالىندى. سونداي-اق، 124-نە ەسكەرتۋ بەرىلىپ، قالعان ىستەر سوتقا جولداندى»، – دەلىنگەن حابارلامادا.

نۇر-سۇلتان قالالىق پوليتسيا دەپارتامەنتى ازاماتتاردىڭ ءومىرى مەن دەنساۋلىعىنىڭ قاۋىپسىزدىگى ءۇشىن قاجەتتى شارالار قابىلداۋدا. پوليتسيا قىزمەتكەرلەرى تاۋلىك بويى كەزەكشىلىك ەتەدى. ازاماتتار مەن اۆتوكولىكتەردىڭ قالانىڭ بارلىق اۋداندارىندا ءجۇرىپ-تۇرۋى قاتاڭ باقىلۋدا.

قالا اۋماعى كوشەلەر بويىنشا بىرنەشە بولىككە بولىنگەن. وندا ءتارتىپ ساقشىلارى جاعدايدى قاداعالاپ وتىرادى. قالادا جالپى سانى 26 بەكەت قويىلعان.

 

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار