ايماقتار • 05 ءساۋىر، 2020

پاۆلودارلىق ءورت سوندىرۋشىلەر ءۇشىن قاۋىپتى كەزەڭ باستالدى 

34 رەتكورسەتىلدى

جالپى، وڭىرلىك توتەنشە جاعدايلار دەپارتامەنتى ازاماتتىق قورعانىس باسقارماسىنىڭ مالىمەتىنشە، ءساۋىر ايىنىڭ العاشقى كۇندەرى وبلىس اۋماعىندا 4 ءورت، 25 ورتەنۋ وقيعاسى ورىن العان.

سوندىقتان، دەپارتامەنت وبلىس تۇرعىندارىن ءورت قاۋىپسىزدىگى ەرەجەلەرىن ساقتاۋعا شاقىردى. ەرەجەلەردى ساقتاماعان تۇلعالارعا قازاقستان رەسپۋبليكاسىنىڭ «اكىمشىلىك قۇقىق بۇزۋشىلىقتار تۋرالى» كودەكسىنىڭ نورمالارىنا سايكەس شارالار قولدانىلادى. 

مىسالى، 1 ءساۋىر كۇنى دەپارتامەنت پۋلتىنە 33 شاقىرۋ تۇسكەن.

وبلىس  ورتالىعىنداعى «يابلونكا» ساياجايىنىڭ 4 ۋچاسكەسىندە اعاش ۇيلەر مەن قورشاۋلار جانعان. ۋسولكا كوشەسى، 163 مەكەنجايىندا ەكى قاباتتى كىرپىش ءۇي، 15 يەسىز ساياجايدا قۇرعاق ءشوپ،پاۆلودار اۋدانى، چەرنوياركا اۋىلىندا 40 گەكتار اۋماقتا   ءشوپ ورتەندى.

ءورت سوندىرۋشىلەردىڭ بىرلەسكەن ءىس-قيمىلدارى بارىسىندا ءورت جالىنى جەدەل ءسوندىرىلدى.   

ءورت ءسوندىرۋ جۇمىستارىنا 9 تەحنيكا بىرلىگى جۇمىلدىرىلدى.  

- سونىمەن بىرگە، ەرتىس وزەنى جاعالاۋىنداعى جايىلىمدار قۇرعاق ءشوپ پەن قامىستىڭ ورتەنۋ وقيعالارى ورىن الدى.  بۇل جەرلەردى اۋىل اكىمدەرى مەن ەرىكتى ءورت جاساقتارى قورشاۋعا الىپ، ءورتتىڭ تارالۋىنا جول بەرمەدى، - دەيدى باسقارماسى باستىعىنىڭ ورىنباسارى جاناس رۇستەم.

ال قازىر ءورت ءسوندىرۋ تەحنيكالارىنىڭ جايىلىم اۋماعىنا جەتۋى قيىن. جايىلمالاردا قار ءالى ەرىگەن جوق، جەر باتپاق.

                       

پاۆلودار

سۋرەت: دەپارتامەنتتەن

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار