ايماقتار • 05 ءساۋىر، 2020

اقتوبە وبلىسى: قارجىلاي كومەك 45 مىڭعا جۋىق ادامدى قامتيدى

145 رەتكورسەتىلدى

بۇگىنگى كۇنى اقتوبە قالاسى مەن وبلىس اۋماعىنا ەرەكشە جاعدايداعى شەكتەۋ رەجيمى ەنگىزىلگەن. وسىنداي سىني شاقتا وبلىستىق بيۋدجەتتەن الەۋمەتتىك وسال توپتارعا قارجىلاي قولداۋ كورسەتۋ شارالارى بەلگىلەندى. اقتوبە وبلىسىندا قۇرىلعان جەدەل شتابتىڭ حاتتامالىق تاپسىرماسىنا سايكەس ولاردىڭ ارقايسىسىنا 20 مىڭ تەنگەدەن قارجىلاي قولداۋ كورسەتۋ تۋرالى شەشىم الىندى. بۇل يگىلىكتى ءىس قوسىمشا جاردەماقى تولەۋ جونىندەگى ەلىمىزدە قالىپتاسقان نورماتيۆتەر مەن تالاپتارعا سايكەس اتقارىلماق.

بۇل ماقساتقا 900 ميلليون تەنگەگە جۋىق قارجى قاراستىرىلعان. اتالعان سوما ءار جان باسىنا شاققاندا كۇنكورىس دەڭگەيى 27 666 تەنگەدەن كەم بولعان جاعدايدا تولەنەتىن بولىپ شەشىلدى. وڭىردە مۇنداي ساناتقا كىرەتىن 44 534 ادام بار. ءسويتىپ جوعارىدا ايتىلعان تارتىپتەرگە سايكەس وڭىردەگى از قامتىلعان جانە كوپبالالى وتباسىلارعا، سونداي-اق جالعىز باستى قاريالار مەن الەۋمەتتىك اۋرۋمەن اۋىراتىن ناۋقاستاردىڭ وتباسىلارىنا اتالعان قارجىلاي  كومەك بەرىلە باستايدى.

- ءجون ەكەن. قازىرگى ۇيدەن قارىس قادام اتتاپ شىعۋعا بولمايتىن توتەنشە جاعدايدا ونى تۇرعىندار قالاي الماق؟ ونىڭ ۇستىنە بۇگىندە الەۋمەتتىك تولەم مەكەمەلەرىنىڭ ءبارى جابىق، قىزمەتتەرى ۋاقىتشا توقتاتىلدى ەمەس پە؟

«Egemen.kz» ءتىلشىسى تاراپىنان قويىلعان بۇل ساۋالعا اقتوبە وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى بۇلبۇل ەلەۋسىنوۆا تومەندەگىشە جاۋاپ قايتاردى.

- بۇل قاراجاتتاردى الۋ ءۇشىن تۇرعىندارعا ەش جەرگە اياعىمەن ءجۇرىپ بارۋدىڭ قاجەتى جوق. ويتكەنى ارنايى جاساقتالعان بازادا وسىنداي ساناتقا كىرەتىن ازاماتتاردىڭ دەرەكتەرى ساقتاۋلى. قارجىلاي كومەك وسى مالىمەتتەر بويىنشا ەسەپتەلىپ، ازاماتتاردىڭ ەسەپشوتتارىنا اۋدارىلادى، - دەدى باسقارما باسشىسى.

ارينە، مۇندايدا بارەكەلدى دەۋدىڭ ابدەن ءجونى بار.

 

اقتوبە وبلىسى 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار