ايماقتار • 05 ءساۋىر، 2020

شىمكەنت: ساۋدا ورىندارى تولەماقىنى قولما-قول اقشاسىز تولەۋ تارتىبىمەن جۇرگىزەدى

70 رەتكورسەتىلدى

2020 جىلعى 6 ساۋىردەن باستاپ، شىمكەنت قالاسىنداعى بازارلار مەن دۇكەندەر جانە ساۋدا ورىندارى تولەماقىنى قولما-قول اقشاسىز جۇرگىزۋدى باستايدى. بۇل تۋرالى شىمكەنت قالاسىنىڭ اكىمدىگى حابارلايدى. 

«تۇرعىندار كارتاسىمەن بازارلار مەن ساۋدا ورىندارىندا تولەم جاساي الادى. بانكتىك كارتاسى جوق ازاماتتار بانكتەرگە قوڭىراۋ شالۋ ارقىلى نەمەسە ونلاين تاپسىرىس بەرە الادى. دايىن كارتانى بانكتەر ۇيلەرىڭىزگە جەتكىزىپ بەرەدى. سوندىقتان بانكوماتتاعى اقشالارىڭىزدى شەشىپ الۋدىڭ اسا قاجەتتىلىگى جوق. كارانتين كەزىندە قولعا الىنعان شارالارعا تۇسىنىستىكپەن قاراۋلارىڭىزدى سۇرايمىز. ءبىز ۋاقىتشا قيىندىقتى بىرگە ەڭسەرەتىن بولامىز!» - دەلىنگەن حابارلامادا.

ەسكە سالساق، شىمكەنتتە 4 ءساۋىر كۇنى ساعات 21:00-دەن باستاپ كارانتين رەجيمى ەنگىزىلدى. كارانتين رەجيمى اياسىندا بارلىق مەكەمەلەردىڭ جۇمىسى ۋاقىتشا توقتاتىلدى، تۇرعىندار مەن كولىكتىڭ بارلىق تۇرىنە شىمكەنت قالاسىنان شىعۋعا جانە قالاعا كىرۋىنە تىيىم سالىنادى.

 
سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار