قوعام • 05 ءساۋىر، 2020

شىمكەنتتە توتەنشە جاعداي رەجيمىن بۇزعان 20 تۇلعا اكىمشىلىك قاماۋعا الىندى

84 رەتكورسەتىلدى

بۇل تۋرالى شىمكەنت قالاسى پوليتسيا دەپارتامەنتىنىڭ ءباسپاسوز قىزمەتى ءمالىم ەتتى.

قازىرگى تاڭدا شىمكەنتتە 18 بلوك-بەكەت جۇمىس ىستەۋدە. اتالعان بەكەتتەردە جالپى 692 قىزمەتكەر جۇمىلدىرىلعان. ونىڭ ىشىندە 230 پوليتسيا قىزمەتكەرى، 216 مەديتسينا قىزمەتكەرى، 168 قارۋلى كۇشتەر جانە 60 ۇلتتىق ۇلان ساربازدارى 3 اۋىسىمدا تاۋلىك بويى قىزمەت اتقارۋدا.

«توتەنشە جاعداي كەزەڭىندە، قويىلعان شەكتەۋلەردى بۇزعانى جانە سانيتارلىق تالاپتاردى ساقتاماعانى ءۇشىن 596 تۇلعاعا اكىمشىلىك كودەكسىنىڭ 476-بابىمەن حاتتاما تولتىرىلىپ، جيناقتاۋ ءىس-قۇجاتتارى شەشىم قابىلداۋ ءۇشىن سوتقا جولداندى. 20 تۇلعا اكىمشىلىك قاماۋعا الىندى، 4 تۇلعاعا ايىپپۇل سالىندى، قالعان ىستەر قارالۋ ساتىسىندا» دەلىنگەن حابارلامادا.

ايتا كەتسەك، شىمكەنتتە قالاسىندا 161 تويحانا، 801 قوعامدىق تاماقتانۋ وبەكتىسى، 29 بازار جانە 23 ءىرى ساۋدا ورىندارى بار.

ەسكە سالساق، شىمكەنتتە 4 ءساۋىر كۇنى ساعات 21:00-دەن باستاپ كارانتين رەجيمى ەنگىزىلدى. كارانتين رەجيمى اياسىندا بارلىق مەكەمەلەردىڭ جۇمىسى ۋاقىتشا توقتاتىلدى، تۇرعىندار مەن كولىكتىڭ بارلىق تۇرىنە شىمكەنت قالاسىنان شىعۋعا جانە قالاعا كىرۋىنە تىيىم سالىنادى. 55 جاستان اسقان ادامدارعا اسا قاجەتتىلىك تۋىنداماعان جاعدايدا دالاعا شىعۋعا بولمايدى.

 
سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار