قوعام • 05 ءساۋىر، 2020

شىمكەنت: بلوك-بەكەتتەردە رۇقساتى جوق 6090 اۆتوكولىك كەرى قايتارىلدى

24 رەتكورسەتىلدى

بۇل تۋرالى شىمكەنت قالاسى پوليتسيا دەپارتامەنتىنىڭ ءباسپاسوز قىزمەتى ءمالىم ەتتى.

شىمكەنت قالاسىندا كورونوۆيرۋس ينفەكتسياسىنىڭ تارالۋىنىڭ الدىن الۋ ماقساتىندا ساقتىق شارالارى كۇشەيتىلۋدە. وسىعان وراي قالادا 18 بلوك-بەكەت جۇمىس ىستەپ تۇر. ولاردىڭ ارقايسىسى بەينەباقىلاۋ كامەرالارى جانە دروندارمەن قامتىلعان.

بلوك-بەكەتتەردەن سوڭعى 3 كۇن ىشىندە شىققان اۆتوكولىك سانى 929 (1869 ازامات)، كىرگەن 742 (1360 ازامات)، ترانزيت 1548 (2754 ازامات) تەكسەرىلىپ وتكىزىلگەن، رۇقساتى جوق 6090 اۆتوكولىك وتكىزىلمەي، قايتارىلعان.

«بلوك-بەكەتتەردە توتەنشە جاعداي رەجيمىن بۇزۋ بويىنشا 3 جايت ورىن الىپ، قر اقبتك-ءنىڭ 476-بابىمەن (توتەنشە جاعداي رەجيمiن بۇزۋ) حاتتامالار تولتىرىلعان. وعان سايكەس، ەسكەرتۋ جاساۋعا نەمەسە 10 ايلىق ەسەپتiك كورسەتكiش مولشەرiندە ايىپپۇل سالۋعا نە 15 تاۋلىككە دەيىن اكىمشىلىك قاماققا الىنادى. ولاردىڭ 1-ءۋى سوتتان وتكەن، قالعان 2 جايت بويىنشا ماتەريال جيناقتالىپ، سوتقا جولداندى»، - دەلىنگەن حابارلامادا.

ەسكە سالساق، شىمكەنتتە 4 ءساۋىر كۇنى ساعات 21:00-دەن باستاپ كارانتين رەجيمى ەنگىزىلدى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار