ايماقتار • 05 ءساۋىر، 2020

 «جەرۇيىق كەگەن جاستارى» مۇقتاج وتباسىنا تۇرعىن ءۇي ساتىپ اپەردى

73 رەتكورسەتىلدى

الماتى وبلىسىنىڭ  كەگەن اۋدانىندا «جەرۇيىق كەگەن جاستارى» اتتى قوعامدىق ۇيىم بار. قۇرىلعاندارىنا كوپ ۋاقىت بولماسادا قور اۋدانداعى ىزگى شارالاردان قالماي، قايىرىم جاساۋعا بەت بۇرعان. جاقىندا ۇيىمنىڭ قۇرىلعانىنا ءبىر جىل تولۋىنا وراي جاستار باستاما كوتەرىپ، مۇقتاج وتباسىنا تۇرعىن ءۇي ساتىپ اپەرىپتى.

جالپى، مۇنداي يگى قادام جەتىسۋدىڭ بارلىق اۋدانىندا جاسالىپ جاتىر. بىراق، كەگەن جاستارىنىڭ بۇل قادامى ايتۋعا تۇرارلىق. ولار اۋداننان كوشىپ كەتكەن، قازىر قالا ماڭىندا تۇراتىن جەرلەستەرىن ىزدەپ، تاۋىپ، الەۋمەتتىك جاعىنان از قامتىلعان اۋلەتتەر مەن كوپ بالالى وتباسىلارعا دا كومەكتەسۋگدى باستاپتى. مىسالعا، وتكەندە باسپانا سىيلاعان وتباسى بۇعان دەيىن اۋدانداعى تاساشى اۋىلىندا تۇرعان ەكەن. قازىر الماتى قالاسىنا جاقىن تالعار اۋدانىنىڭ بەساعاش اۋىلىنا قونىس اۋدارعان. جەرلەستەرىنىڭ جاقسىلىعىن كورگەن ازامات 5 قىز، 1 ۇلدى ءوزى تاربيلەپ وتىر. وتاناسى دۇنيە سالعاسىن بالالارىنا جەتىمدىك زارىن تارتقىزباۋ ءۇشىن تىربانىپ كەلەدى. قالا ماڭىنا دا سول ءۇشىن كوشىپ كەتتى. پاتەر جالداپ كۇنەلتىپ وتىرعان. «جەرۇيىق كەگەن جاستارى» قورىنىڭ قايىرىمى بۇل ءۇشىن كۇتپەگەن ءىس ەدى. قۋانىشتىسى، ازاماتتىڭ ۇل-قىزى بەساعاشتاعى جىلى دا جارىق ۇيدە وسەتىن بولدى. ەندى ولاردىڭ ورتالىق سۋ جەلىسى مەن كوگىلدىر وتىنى قوسىلعان 4 بولمەلى باسپاناسى بار.

 

الماتى وبلىسى

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار