ايماقتار • 05 ءساۋىر، 2020

الماتى وبلىسىنىڭ اكىمدىگى «اسىل ارمان» تۇرعىندارىنا ازىق-ت ۇلىك تاراتتى

64 رەتكورسەتىلدى

قاراساي اۋدانىنداعى «اسىل ارمان» تۇرعىن ءۇي كەشەنى ىندەت تارالۋىنا بايلانىستى تولىقتاي وقشاۋلانىپ، كارانتينگە جابىلعان بولاتىن. بۇعان دەيىن بۇل اۋماقتان ەكى ادامنان كورونا ۆيرۋس ينفەكتسيا انىقتالعان ەدى. ال سىرتپەن بايلانىسى توقتاعان تۇرىعندارعا الماتى وبلىسىنىڭ اكىمدىگى تەگىن ازىق-ت ۇلىك جەتكىزە باستادى.

- الماتى وبلىسىنىڭ اكىمى اماندىق باتالوۆتىڭ تاپسىرماسىنا سايكەس كەشە كارانتيندەگى تۇرعىن ءۇي كەشەنىندە تۇرعىندارمەن جيىن وتكىزدىك. كەزدەسۋ بارىسىندا ءبىرىنشى كەزەكتە ءبىز ازىق-ت ۇلىككە وتە مۇقتاج ادامداردى انىقتادىق. ويتكەنى، كارانتيننەن بولەك تۇرعىنداردىڭ كوپشىلىگى جۇمىسسىز قالدى. وعان قوسا الداعى ۋاقىتتا شەشىمى قاراستىرىلاتىن بىرقاتار تۇرمىستىق ماسەلەلەر تالقىلاندى.ءبىز ولارعا بۇدان بىلاي دا قولداۋ كورسەتەمىز. مۇقتاج ادامداردىڭ ءتىزىمى باسقارۋشى كومپانيالاردان كەلىپ تۇسۋدە. ازىق-ت ۇلىكتەن باسقا تۇرعىن ءۇي كەشەنىنە 10 مىڭداي ءبىر رەتتىك ماسكالار اپارىپ بەرىلدى. ولار تەگىن تاراتىلۋدا، - دەيدى وبلىس اكىمىنىڭ ورىنباسارى سەرىك تۇرداليەۆ.  

اكىمدىك وكىلدەرىنىڭ ايتۋىنشا، ءبىرىنشى كەزەكتە كوپ بالالى، از قامتىلعان وتباسىلار، مۇگەدەكتەر، قارت ادامدار جانە جۇمىسسىز قالعاندار سياقتى حالىقتىڭ  الەۋمەتتىك ءالجۋاز توپتارى ەسكەرىلدى. تۇرعىن ءۇي كەشەنىنە ازىق-ت ۇلىك تاراتۋ ىسىنە كەشەندە تۇراتىن تۇرعىندار اراسىنان شىققان ۆولونتەرلار بەلسەندى قاتىسۋدا. العاشقى ازىق-ت ۇلىك پاكەتتەرى 1215 ادامدى قامتيتىن 240 پاتەرگە بەرىلگەن.

 

الماتى وبلىسى

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار