ءبىلىم • 04 ءساۋىر، 2020

شىمكەنتتەگى 213 ءبىلىم بەرۋ ۇيىمى قاشىقتان وقىتۋ فورماتىنا كوشەدى

73 رەتكورسەتىلدى

بۇگىن اقپاراتتىق-كوممۋنيكاتسيالىق ورتالىقتا وتكەن ءباسپاسوز بريفينگىندە شىمكەنت قالاسى اكىمىنىڭ ورىنباسارى الماسبەك مامىتبەكوۆ جانە قالالىق ءبىلىم باسقارماسىنىڭ باسشىسى جانات تاجيەۆا توتەنشە جاعدايعا بايلانىستى ونلاين ءبىلىم بەرۋ جۇيەسىندە اتقارىلىپ جاتقان جۇمىستار جونىندە جان-جاقتى باياندادى. 

شىمكەنت وقۋشىلارى ءۇشىن ءتورتىنشى توقسان ەرەكشە فورماتتا وتەدى. ويتكەنى ەلدەگى قالىپتاسقان جاعدايعا بايلانىستى بالالار قاشىقتان وقىتۋ جۇيەسىنە كوشىپ وتىر. 

– ميلليوندى قالا وقۋشىلارى ءبىلىم بەرۋ جۇيەسىنىڭ ەكى باعىتى بويىنشا قامتىلماق. ونىڭ ءبىرى - ينتەرنەت پلاتفورما. ەكىنشىسى - تەلارنالار ارقىلى، بۇل - ەڭ ءتيىمدى ءارى وڭاي ءتاسىل، - دەپ اتاپ ءوتتى شىمكەنت قالاسى اكىمىنىڭ ورىنباسارى الماسبەك مامىتبەكوۆ ءباسپاسوز بريفينگىندە.

قالالىق ءبىلىم باسقارماسىنىڭ باسشىسى جانات تاجيەۆانىڭ ايتۋىنشا، شىمكەنتتەگى 147 مەكتەپتىڭ 25-ءى - جەكە مەنشىك.

– ءبىلىم باسقارماسى 222 مىڭنان استام وقۋشىنىڭ ماتەريالدىق جاعدايىن سارالاپ، ولاردى بىرنەشە توپقا ءبولدى. 30364 بالا از قامتامىز ەتىلگەن وتباسىدان شىققان. ونىڭ 17 مىڭ 616 كومپيۋتەر قاجەتتىلىگى تۋىنداعان. بۇل ماسەلەنى شەشۋ ماقساتىندا قالا مەكتەپتەرىندەگى 10 192 كومپيۋتەر وقۋشىلارعا تاراتىلىپ بەرىلدى. ال قالعان 7424 بالاعا قاجەتتى كومپيۋتەر ساتىپ الۋ ءۇشىن رەسپۋبليكالىق بيۋدجەتتەن 2250،0 ميلليون تەڭگە ءبولىندى. ول قارجىعا 9000 كومپيۋتەر ساتىپ الۋعا مەملەكەتتىك ساتىپ الۋ جۇمىستارى ۇيىمداستىرىلۋدا. بۇل جۋىق ارادا شەشىلەدى، - دەدى باسقارما باسشىسى.

قاشىقتان وقىتۋ جۇيەسى قازاقستان ءۇشىن تاڭسىق ەمەس. الايدا مەكتەپ وقۋشىلارى جالپى بۇنداي جاپپاي قاشىقتان وقىتۋ جۇيەسىن ءبىرىنشى رەت قولدانىپ وتىر. سوندىقتان قيىندىق بولۋى زاڭدىلىق. سالا ماماندارىنىڭ حابارلاۋىنشا، 17 مىڭنان استام ۇستاز تاس ءتۇيىن دايىن وتىر. ولار الدىن الا الەۋمەتتىك جەلىلەر مەن مەملەكەتتىك باعدارلامالاردى كانيكۋل كەزىندە قارادى. جاڭا وقۋ توقسانىنا قاتىستى جوسپارلارىن ءتۇزىپ قويعان. ءار ءپان مۇعالىمى سوڭعى توقساندا وقىتىلۋى قاجەت ساباقتاردىڭ ارنايى كەستەسىن جاساعان. بۇل ۇيدە وتىرعان بارا ءۇشىن ءتيىمدى. ويتكەنى ۋاقىتىن بوسقا وتكىزبەي ساباق وقيدى.

اتا-اناعا قيىندىق بولماس ءۇشىن قالالىق ءبىلىم باسقارماسى ارنايى بالالاردىڭ ءتىزىمىن جاساپ، ۇيىندە كومپيۋتەرى جوق كومەككە مۇقتاج بالالارعا مەكتەپتەگى كومپيۋتەرلەردى جەتكىزىپ، ينتەرنەت جەلىسىن جالعاتىپ بەرىپتى. مۇقتاج وتباسىلارعا ونىڭ اقىسىن دا تولەپ بەرگەن. ول قارجى مەكتەپكە تارتىلعان ينتەرنەتكە كەتەتىن شىعىن ەسەبىنەن جابىلعان.

- ۇستازداردىڭ ساباعىن جازىپ ۇلگەرمەگەن بالا تەلەارنالار ارقىلى دا ساباق وقۋىنا مۇمكىندىگى بار. رەسپۋبليكالىق «حابار» جانە «ەل ارنا» تەلەارنالارىندا كۇندەلىكتى ساباقتار جۇرەدى. قازىر 30 مىڭنان استام ءدارىس ازىرلەنگەن. ول ساباقتار جەرگىلىكتى «ايعاق»، «وڭتۇستىك» جانە «وتىرار» تەلەارنالارىنان بەرىلەتىن بولادى. جالپى بۇل جۇيە ورتا ءبىلىم مەكەمەلەرىندە العاش رەت قولدانىلىپ وتىر. سوندىقتان ۇستازدار ءۇشىن ارتىلعان جاۋاپكەرشىلىك ۇلكەن. دەگەنمەن ءبىز بار كۇشىمىزدى سالامىز، - دەدى ءبىلىم باسقارماسىنىڭ باسشىسى.

 

شىمكەنت

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار