ايماقتار • 04 ءساۋىر، 2020

كوممۋنالدىق قىزمەت تاريفتەرى تومەندەتىلدى

33 رەتكورسەتىلدى

بۇگىنگى پاندەميا جاعدايىندا تۇرعىنداردى الەۋمەتتىك-تۇرمىستىق تۇرعىدان قولداۋ جانە ولاردىڭ باستارىنا تۇسە باستاعان قارجىلىق قيىندىقتاردى جەڭىلدەتۋ ماقساتىندا اقتوبە ايماعىندا كوممۋنالدىق قىزمەت تاريفتەرى تومەندەتىلدى. يگىلىكتى ءىس وبلىس اكىمدىگى مەن تابيعي مونوپوليالاردى رەتتەۋ دەپارتامەنتىنىڭ بىرلەسكەن ءىس-قيمىل ناتيجەسىندە جۇزەگە استى.

ءسويتىپ، كوممۋنالدىق قىزمەتتەرگە وتكەن ناۋرىز ايىندا ەسەپتەلگەن تولەم سومالارى وبلىس ورتالىعىندا 20، اۋدانداردا 5 پايىزعا تومەن بولماق. مۇنىڭ ىشىندە ەلەكتر قۋاتىن 10 پايىزعا دەيىن كەمىتۋ تۋرالى شارا قابىلداندى. تۇتاستاي العاندا توتەنشە جاعداي كەزىندە تاريفتەردى وڭتايلاندىرۋ بيۋدجەت قاراجاتى ەسەبىنەن قارجىلاندىرىلاتىن كاسىپورىندارعا جۇكتەلگەن. سوعان سايكەس ولار تاريفتەردى تومەندەتىپ وتىر.

تاعى ءبىر اتاپ وتەرلىك ماسەلە، سۋمەن جابدىقتاۋ قىزمەتى بويىنشا وبلىستىڭ بىرقاتار اۋداندا توپتىق جانە لوكالدىق جابدىقتاۋ جۇيەلەرى ورناتىلعان. سۋ بەرۋ باعدارلاماسى شەڭبەرىندە وسى ارقىلى مەملەكەتتىك سۋبسيديالاندىرۋ جۇرگىزىلگەن. سوندىقتان دا جوعارىدا كورسەتىلگەن جەڭىلدىكتەر بۇلارعا قاراستىرىلمايدى. سونداي-اق كوممۋنالدىق قىزمەتتەردى پايدالاناتىن سۋبەكتىلەر وسى سالاداعى كاسىپورىندارعا قارىز بولعان جاعدايدا قىزمەت كورسەتۋدى توقتاتپاۋ تۋرالى ۇسىنىمدار جولدانعان.

اتالعان جۇمىستاردى بيۋدجەت قاراجاتى ەسەبىنەن اتقارۋ كوزدەلگەن. بۇل ءۇشىن 400 ميلليون تەنگە بولىنگەن.

 

اقتوبە وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار