رۋحانيات • 04 ءساۋىر، 2020

يشان باعى قايتا قالپىنا كەلەدى

51 رەتكورسەتىلدى

«وسى جۇرت ەسكەندىردى بىلە مە ەكەن» دەگەندەي، بۇگىنگى ۇرپاقتىڭ تاريحي تۇلعا دەڭگەيىنە دەيىن كوتەرىلە بىلگەن دوسجاننىڭ كىم بولعانىنان حابارى بار ما ەكەن. بۇل رەتتە ول كەڭ بايتاق قازاق جەرىنىڭ باتىس وڭىرىندە قاسيەتتى يسلام ءدىنىن دارىپتەۋ مەن تاراتۋعا ولشەۋسىز ۇلەس قوسقان وسى ارقىلى جوعارى ءدىني مارتەبە – يشان اتاۋىن يەلەنگەنىن ايتقانىمىز ءجون. كەزىندە ونىڭ اتالعان ايماقتا تۇراتىن قازاقتاردىڭ قاجىلىق ساپارعا بارۋىنا ۇيتقى بولا بىلگەنى، ابايدىڭ اكەسى قۇنانباي قاجىمەن بىرلەسە مەككە-مادينەدە مەشىت سالۋعا ارالاسقانى بولەك ءبىر دۇنيە. بۇعان قوسا ءوز زامانىندا دوسجان يشاننىڭ مەدرەسە اشىپ، بالا وقىتقانى دا تاريحي دەرەكتەردەن جاقسى ءمالىم.

بۇگىنگى كۇنى ەسىمى ەل اۋزىندا قالعان جاننىڭ بۇگىنگى اقتوبە وبلىسىنداعى شۇبارقۇدىق ستانساسىنان 3 شاقىرىم جەردەگى ءشيلى وزەنىنىڭ بويىندا جەردى باپتاپ، 10 گەكتار جەرگە باۋ-باقشا ەگىپ، ەل-جۇرتتى وتىرىقشىلىققا ۇندەگەنى دە بەلگىلى بولىپ وتىر. كەيىن يشان ەككەن جەمىس-جيدەك ۇلكەن باققا اينالعان. الايدا حازرەت ومىردەن وتكەننەن كەيىن قۇنارلى اعاشتار قۋراپ، كۇتىمسىز قالادى.

ول وسىرگەن باۋ-باقشا ونىمدەرىن تەك جەرگىلىكتى قازاقتار عانا ەمەس، كورشىلەس رەسەي قالالارى مەن قازاقستانان كەلگەن كوپەستەر دە ساتىپ الاتىن بولعان. امال قانشا، يشاننان كوزى جۇمىلعان سوڭ، جوعارىدا ايتىلعانداي اعاشتار ءشىرىپ، باقتىڭ اۋماعى ازىپ توزا باستايد. كەيىن ونىڭ ورنى جەرمەن جەكسەن بولىپ، جەر بەتىنەن جويىلىپ كەتەدى. وكىنىشتى-اق. ايتسە دە تەمىر اۋدانىنىڭ اكىمى جولداس قالماعامبەتوۆ بۇگىنگى كۇنى دوسجان يشان وسىرگەن باقتى قايتا قالپىنا كەلتىرۋ جونىندە جۇمىستار قولعا الىنعانىن ايتىپ بەردى.

بل ءۇشىن ءشيلى وزەنىنىڭ جاعاسىنان  جەتى گەكتار جەر ءبولىنىپتى. وعان وتكەن ناۋرىز ايىنىڭ اياعىندا 282 ءتۇپ اققايىڭ جانە تەرەك تالدار ەگىلسە، ساۋىردە الما، شيە جانە ورىك اعاشتارىن وتىرعىزۋ بەلگىلەنگەن. اۋدان باسشىسىنىڭ ايتۋىنشا بيىل دوسجان باعىنا 1000 ءتۇپ اعاش وتىرعىزۋ جوسپارلانىپتى.

بۇل ءىستىڭ باسى-قاسىندا اۋداندىق ورمان شارۋاشىلىعىنىڭ باسشىسى قايىرجان مولداقۇلوۆتىڭ ءوزى جۇرگەنى دە باقتىڭ قايتا گۇلدەۋىنە، ونىڭ يگىلىگىن ەل كورەتىنىنە سەنىم تۋعىزادى. ءبىز وسى ماتەريالدى «Egemen.kz» سايتىنا ازىرلەۋ كەزىندە يشاننىڭ تىكەلەي ۇرپاعى اسقار حابيبۋللين الماتى قالاسىندا تۇرسا دا باقتىڭ قايتا گۇلدەنۋىنە ۇلكەن قولداۋ كورسەتىپ جۇرگەنىن بىلدىك.

جاسارىپ، جايناي ءتۇس، دوسجان يشان باعى!

 

اقتوبە وبلىسى 

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار