قوعام • 04 ءساۋىر، 2020

شىمكەنت: سىبايلاس جەمقورلىق جاعدايلارىن جويۋعا ارنالعان بريفينگ ءوتتى

42 رەتكورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى توتەنشە جاعداي كەزىندە ونلاين جۇمىس فورماتىنا كوشتى.

وسى رەتتە الەۋمەتتىك جەلىلەر ارقىلى سىبايلاس جەمقورلىقتىڭ سەبەپتەرى مەن جاعدايلارىن جويۋ بويىنشا ۇسىنىس قارالدى (قپك-ءنىڭ 200-بابى شەڭبەرىندە).

بريفينگكە دەپارتامەنت باسشىسى ا.جۇماعالي مەن ونىڭ ورىنباسارلارى ت.سەرىكباەۆ پەن ك.قابىلبەكوۆ قاتىستى.

ءىس-شارا بارىسىندا شىمكەنت قالاسىندا ورنالاسقان وبلىستىق بالالار اۋرۋحاناسىنىڭ بۇرىنعى باس دارىگەرىنە قاتىستى قىلمىستىق ءىس قارالدى.

بريفينگ بارىسىندا ا. جۇماعالي توتەنشە جاعداي كەزىندە دەپارتامەنتتىڭ جۇمىسىنا، سونداي-اق سىبايلاس جەمقورلىققا قارسى ءىس-قيمىل بويىنشا قابىلدانىپ جاتقان شارالارعا ەگجەي-تەگجەيلى توقتالدى.

ءوز بايانداماسىندا ك. قابىلبەكوۆ قىلمىستىق ءىستىڭ ءمان-جايىن ايتىپ، الداعى ۋاقىتتا وسىنداي قۇقىق بۇزۋشىلىقتارعا جول بەرمەۋ شارالارىن ۇسىندى.

ك.قابىلبەكوۆتىڭ ايتۋىنشا، بۇرىنعى باس دارىگەر ۇلەستەس كاسىپورىندار ارقىلى قولما-قول اقشاعا اينالدىرۋ، سونداي-اق ءىس جۇزىندە جۇرگىزىلمەگەن ادۆوكاتتىق قىزمەتتەر ءۇشىن 680 مىڭ تەڭگە سوماسىندا اقشا قاراجاتىن اۋدارۋ جولىمەن بيۋدجەت قاراجاتىن جىمقىردى دەپ كۇدىكتەلۋدە.

سونىمەن قاتار، ت. سەرىكباەۆ قول استىنداعى قىزمەتكەرلەردىڭ سىبايلاس جەمقورلىق قۇقىق بۇزۋشىلىقتارىن جاساعانى ءۇشىن ءبىرىنشى باسشىلاردىڭ جاۋاپكەرشىلىگى تۋرالى زاڭناماعا ەنگىزىلگەن جاڭاشىلدىقتاردى ءتۇسىندىردى.

ايتا كەتەيىك، ۇسىنىمداردى ونلاين فورماتتا قاراۋ تۇراقتى نەگىزدە جۇرگىزىلەتىن بولادى.

   

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار