ايماقتار • 04 ءساۋىر، 2020

اقتوبە وبلىسى: رۇقسات الۋ ۇدەرىسىندە كىدىرىس كوپ

354 رەتكورسەتىلدى

كوروناۆيرۋس ىندەتى قانشا جەردەن قىسقانىمەن، القىمعا العانىمەن وبلىستار مەن اۋداندار اراسىندا ازىق-ت ۇلىكتەر مەن مەديتسينالىق قۇرال-جابدىقتار جەتكىزەتىن اۆتوكولىكتەر توقتامايتىنى ايان. بۇل ءۇشىن كاسىپكەرلەر كىرگىزۋ-وتكىزۋ رۇقسات قاعازىن الۋى قاجەت. بۇل ءتارتىپتىڭ ءىشىنارا قازىرگى كۇنى دە جۇمىس جاساپ جاتقان وندىرىستىك كاسىپورىندار مەن كومپانيا يەلەرىنە دە قاتىسى بار. ايتسە دە ولار پروپۋسك الۋ ماسەلەسىندە بىرقاتار قيىندىق پەن كەدەرگىلەرگە كەزدەسىپ وتىر. ولاردىڭ بىرقاتارى اقتوبە-اتىراۋ تراسساسى بويىندا العا باعىتىنداعى №41 رازەزدىڭ تۇسىندا ءوز تالاپ-تىلەكتەرىن جەرگىلىكتى اتقارۋشى بيلىك وكىلدەرىنە جەتكىزدى. ولاردىڭ ايتۋىنشا، وتكىزۋ-كىرگىزۋ قاعازىن الۋ ۇدەرىستەرى ۇزاق ۋاقىت الادى. مۇنداي جاعدايدا ەڭ ءتيىمدىسى كوپ قولدانىلاتىن پروپۋسكىگە قول جەتكىزۋ بولماق. ال بۇل اسا قاجەتتى ءىس دەر كەزىندە شەشىمىن تاپپاي كەلەدى. سوندا نە ىستەۋ كەرەك؟

بۇل ساۋالدى كاسىپ يەلەرى اقتوبە وبلىسى اكىمىنىڭ ورىنباسارى قايرات بەكەنوۆكە قويدى. سوعان سايكەس ول بۇعان دەيىن ورىن العان اكىمشىلى كەدەرگىلەردى جويۋ جونىندە شۇعىل شارالار الىنعانىن جەتكىزدى. سونداي-اق، ونىڭ ايتۋىنشا، قازىرگى كۇنى كوپ جانە ءبىر رەت قولدانىلاتىن رۇقسات قاعازدار بەرۋ ۇدەرىسىن اۆتوماتتاندىرۋ جونىندەگى ماسەلە قولعا الىنىپتى.

كاسىپ يەلەرىنىڭ ايتۋىنا قاراعاندا قازىرگى تاڭدا قولدارىندا ەلەكتروندىق رۇقسات قاعازدارى بار جەكە تۇلعالار دا كىدىرىستەرگە تاپ بولىپ وتىر ەكەن. ماسەلەنىڭ ءمانىسى توقتاتۋ بەكەتتەرىندەگى قوندىرعىلار QR كودىن ەسەپكە الۋعا قابىلەتسىز بولىپ شىعۋىندا كورىنەدى. ونى تولىقتاي ورنىقتىرۋ ءالى دە بىرەر كۇن ۋاقىت الاتىنىن جاۋاپتى تۇلعالار جوققا شىعارا المادى. سوندىقتان دا وبلىستىق اكىمدىكتىڭ يندۋستريالدىق-يننوۆاتسيالىق دامۋ جونىندەگى باسقارماسىنا مالىمەتتەر بازاسىنا ازىق-ت ۇلىكتەر مەن ىندەتتەن ساقتاندىرۋ قۇرالدارىن جەتكىزەتىن ءاۆتوموبيلدىڭ ءنومىرىن قولمەن تولىقتىرۋ جونىندە تاپسىرمالار بەرىلگەن.

بۇعان دەيىن وبلىس اۋماعىندا بىرنەشە بلوك-بەكەتتەردە سىبايلاس جەمقورلىققا قارسى قىزمەت وكىلدەرى مەن «اقتوبە –ادالدىق الاڭى» جوبالىق كەڭسەسى بىرلەسىپ جۇرگىزگەن مونيتورينگتەر كەزىندە شۇعىل تۇزەتۋ مەن قالپىنا كەلتىرۋدى قاجەت ەتەتىن ورەسكەل كەمشىلىكتەر ورىن العانى انىقتالعان.

 

اقتوبە وبلىسى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار