ايماقتار • 04 ءساۋىر، 2020

تارازدا ءۇندىستاننان كەلگەن 91 قازاقستاندىق كارانتينگە جاتقىزىلدى

198 رەتكورسەتىلدى

كەشە عانا «اۋليە-اتا» حالىقارالىق اۋەجايىنا دەلي-تاراز باعىتىنداعى ۇشاق كەلىپ قونعان ەدى. ءۇندىستان مەملەكەتىنەن اۋليەاتا ايماعىنا كەلگەن اۋە كەمەسىنىڭ بورتىندا 106 ادام بولدى. ونىڭ ىشىندە 91 ادام قازاقستان ازاماتى بولسا، 15 ادام قىرعىزستان ازاماتى ەكەن.

جامبىل وبلىسى اكىمدىگىنىڭ حابارلاۋىنشا، بۇل جاعداي بارلىق جۇمىلدىرىلاتىن قىزمەتتەرگە الدىن الا ەسكەرتىلگەن. ولار جولاۋشىلاردى قابىلداۋعا دايىندالعان. ۇشاق كەلىپ قونعااندا دا قاۋىپسىزدىكتى ساقتاۋ  ماقساتىندا ارنايى كيىم كيگەن مەديتسينا قىزمەتكەرلەرى ءار جولاۋشىنى مۇقيات تەكسەرىپ شىقتى. تىكەلەي ۇشۋ جولاعىنان كەلگەن ازاماتتاردىڭ بارلىعى دا اۆتوبۋستارعا وتىرعىزىلدى. مەديتسينالىق جانە پوليتسيا قىزمەتكەرلەرىنىڭ ەرىپ جۇرۋىمەن ولار كارانتيندىك ستاتسيونارعا جەتكىزىلىپ، جاتقىزىلدى. دەنە قىزۋلارىنىڭ كوتەرىلۋىنە بايلانىستى ەلىمىزدىڭ 2 ازاماتى پروۆيزورلىق ستاتسيونارعا ورنالاستىرىلدى. بارلىق جولاۋشىلاردان قان تالداۋلارى الىنىپ، زەرتحانالىق زەرتتەۋگە جىبەرىلدى. تەرىس ناتيجە بولعان جاعدايدا ولار تۇرعىلىقتى جەرى بويىنشا 14 كۇندىك ءۇي كارانتينىنە الىناتىن بولادى. سونداي-اق، جولاۋشىلاردىڭ بارلىق جەكە زاتتارى، اۆتوبۋستار مەن جەدەل جاردەم كولىگى دە وڭدەۋدەن وتكەن. ال، قىرعىز رەسپۋبليكاسىنىڭ ازاماتتارى ارنايى اۆتوكولىكپەن وز وتانىنا جىبەرىلدى.

 

جامبىل وبلىسى

 

 

   

 

   



 

 

   

 

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار